Naja naijira mukusinganwana nibanange. Twataamu obugoye bwaife obulungi einho,Naabuuza mmaamma nti,''ntwale ekitambi kino? Nkyendha inho.'' Mmaamma yena yampa ekitambi. Aye naboneka bulungi inho!

Twajaani mukukina

Bwetutuuka kumwoleso, ebibindha byali binji. Abaghala baali engoye dha lanji edhendhawulo. Ennhembo daali nga disobola okukusikiriza okukina ni bwoba muligo. Buli muntu yali musanhufu.

Bammaamma, ba ddadda ni ba senga baali bafumbye emmere eyali ekuba akaghogho. twatandiikilagho okughulira endala! Mukusinganwa, mwalimu ebirabo kamala ebyabawanguzi. Buli kikunsu kyakina bulungi inho.

Ekikunsu eky'a baghala n'a balenzi abakulu nekya singa mukukina. Nakoba mikwano gyange nti,''Ekibindha kyaife nekyasize! Twanhira twakina nabulungi inho. Era twali bakuwangula.

Falida bweyampulira, sungughala. Kuba yali mukunsu ekindi ng'a loghoza ati ekikunsu kye, kyakina blungi. Twatandiika okukuba empawa mulukero. Yanswunkulaku ekitambala kumutwe gwe yalumuka nakyo.

Kyoka nekyali ekimbala kyene yazika ku mmaamma. Natimbuka nalira. aye banange babinga Falida bamutolaku ekitambala bakindiraza. Nasanhuka inho.

Olw'okunhumirwa kwennhe mba,obusungu bwange ni Falida nabwerabira. Era mikwano gyange tibalekera kukina. Lwali lunaku lwakusanhuka.

Bwebwakya kunkyo, naja amaadhi.Kumbe ni Falida yena yali akaire kuja maadhi. Twairanga bwetwogera kungeri ebikukunsu bwebya yambalamu obulunji inho n'e ngeri amakina gyeganhumyemu.

Twembi twakoba mule tuti kale nguli okusinganwa kwamaze enaku dino dombi edasasira. Twalinga twaviire ira kuntalo edabairegho. Era ngakabiri tuli bamukwanokabiri.