Kolong angorot, ayei ekile lo eboyete ka aberu keng na amina ngesi noi. Akwaar apei abu ngesi kila namoni. Aloroto abu ngesi kiriamun ka apese nakoyen, nachikid, nabo nakebusean noi. Abu apese ngina tomina ngesi napei agipiaria. Abu nabo apese ngina tocham ngesi atipei. Nabo abu tolimok ngesi atamar ayakar ngesi esikina epei.

Abu apese ngin atolimok ekile ngolo atamar tolot nawi nabo totub epei ang'isikin aberu keng sodi kayun ngesi. Na kaneni aminio ngesi ng'isikin ngiarei nabo eutaros. Abu ekile ng'olo tamatar atipei nawi, tokopu ekileng, togirakin aberu keng naminat noi, na kaneni totubun esikina atipei.

Abu ngesi tamatar atipei namoni na emiekinitor naminat keng nakitetet. Na kanenin pe atakani ngesi. Abu tanyara ekiro keng etoil aloechala, na kaneni achakina akwap. Abu ng'esi kiira etoil keng ebala."Nyonte inyarar iyong? Niyeni iyong atamar iyei iyong namoni akwap a Musambwa lo a Libeeletwela?"

Napei eiraria ekile ng'olo ng'una, abu tamatar nawi loger a emal Abu torukau aberu keng ketona. Abu ng'esi tolomak esinyoi ka akiyalolong noi kotere ng'una asubakinit ng'esi nabo totoan ng'esi dae.