Ghali yo Kyabazinga mu mambuka ga ekituntu ekya Okugbe Island. Kyabazinga ono yali taidhi bulumi mu bulamu bwe. Waire adhakika.

Lulala kunco yali nga ali kudhuuba obulumi buba butya. Yafundhika omutwe, "Ghali yo abantu bangi kwita lyange abaghafu. Mpulira ntya obulumi bwaibwe?" Ye ebuuza mwene.

Obwire ne emisana, nga adhuuba engeri gya ana abita mu bulamu waire lulala. Mperano lulala obwire, yali alowooza anabita mu bulumi waire lulala. Mperano obwire lulala, yaloota yawulira eiroboozi. "Mpulire okwendha kwo. Ondha ku bita mu bulumi," eiroboozi lyakoba.

Eiroboozi lye yongera, "Zimba amato amanene aga nasobola okuba mu ebyo obukombe byo na amaka. Mperano ya seeyeya okutuka mu mambuka ga Okugbe Island." Kyabazinga yali musanhufu.

Mangu, amato musanvu ga zimbibwaera nga metegefu oku seeyeya. Kyabazinga ya ga tika ebyo obukombe.

Olunaku nga Kyabazinga na amaka ge nga bakali kuja, yakola akabaga. Buli muntu yaindha yabagho. Empala, emisota, obudhuulu, amakovu, ebinhoni ne ebiwuuka byo onha byaindha ku kabaga.

Kyabazinga ya yogera eri abantu, "nze na amaka gange tuli kuja mu kitundhu kya Okugbe Island. Twendha ku lumibwa bulimi bwa abantu abandhi.

Abantu bekubagania obwa ama. Abakulu ti ba mu wuliriza mu. Aye nha ni eyali aghanga okunenia Kyabazinga? Buli muntu ya nhwa era ba nhumibwa batamira.

Olunaku olwaira ku, Kyabazinga nia amaka ge baseeyeya baja. Ku nhaku eibiri edhasoka, amato gaseeyeya ku maadhi. Eigulu lyali eikaalamu, oguyandha gwali gwikaikamu era olugendho lwali no oluka sinze yo bukaalamu.

Ku lunaku olwo okusatu, oguyandha gwatabangu ka. Ekire kya bindha bindha. Omuyaga gwa balumba. Amato gevunhi ka inho. Kyabazinga yali azira kya kukola nga ebyo obukombe bibulire mu guyandha.

Kyabazinga yenka ne yawona ku. Aye buti yali Gaabunga gha kinhoni. Gaabunga yatuumira ku bukalu bwo ogu yandha. Era yasuubira okwiramu okufuna amaka ge no obukombe okuva mu guyandha.

Gaabunga ye dhimya mu guyandha emirundhi mingi. Ti yasobola ku ghonia maka ge naire kitundhu kya bukombe. "Singa nhamanha, nandhi baire musanhufu na amaka gange mu bulamu bwange," Yalira mu kasirikirize.