Ghaliyo ekikunsu kyaba Wankolwa nga baaba ghalala. Omulala kuba Wankolwa yadhuuba ati na abasinga mu boona boona.

Omughala onho yali nga mufuzi ate nga yeragainho. Yali nga akambuwalira Bawankolwa abandhi.

Omulala ku Walugundhu yaidha ku mulirano.

Wankolwa eyeraga laga yakoba, "boona oyo Walugundhu. Ndhaku mulinda, mulwanhise!"

Bawankolwa abandhi bagezaku okumusikiriza mbu kiziramu magezi okulwana ni Walugundhu. "Mwenamwena muli baati titizi," yaabavuma.

Walugundhu yatuumira ghaigulu yaagema Wankolwa omwempanzi. "Ntasa, ntasa" nga lira.

Abandhi Bawankolwa bairamu, "aidha kutulumba feena. Ti tusobola ku kuyamba."

Wankolwa mu kutya ye yongera okumusaba obuyambi.

"Amaanhi go buti gali gha? Okobye oti ghaindhi lwanhisa Walugundhu. Ghewunhunsule iwe mwene," Walugundhu yakoba.

Walugundhu yalya wankolwa. Yasalawo okwirayo ye yongeze abandhi.

Wankolwa mulala yawoigana, "tolina kutya. Wetwe merera aghalala tusobola oku kuba Walugundhu. Tusobola oku mwita."

Bawankolwa beyimba balumba Walugundhu okuva buli luuyi. Walugundhu nga tabaghanga, era yaafa.