Luuka 11:1-10
Yesu yali nga alikusabira mu kifo. Bweyamala, omulala ku begeresaabe yaakoba ati, "mukama waife, twegerese bwe basaba nga Yowaana bwe yasomesa abeegeresaabe." Agho yaabakoba ati, "bwosaba, okobanga oti, "bbaabba lata, eriina lyo lisaakibwe nga obwakyabazinga bwo bwidhe. Otuwe eky'okulya buliidho, otusoniwe ebyonoono byaife nga ife bwetusonigha abatuyona, totutwala mu kukemebwa."

Aye yaabakoba ati:

Singa omulala kwimwe aba n'omukwano, ghaaja yaali mu bwire ghagati gha mukoba, "mukwano gwange, nnamba yo emigaati esatu, kubanga mukwano gwange aidhye yaabitiraku ghano nga aja mu lugendo lwe, ate nzira kya kumugha."

Agho aidha kulowookeza munda mule, "tonfaaku. Olwigi lwigale, nze n'abaana bange tulambaire. Tisobola kusituka kukugha kintu kyonakyona."

Nkukobere, ni bwekinaaba nga omusadha munda mule nga taasituke nampa kintu kyonakyona olwokuba mukwano gwange, ate kubanga okulemeraku okw'omusaadha aidha kusituka amughe buli kyayenda.

"Kale mbakobera:
Musabe, mwidha kugheebwa; munoonie, mwidha kufuna; mukonkone, mwidha kwigulibwagho.
Oyo yeenayeena asaba agheebwa, era anoonia afuna n'oyo akonkona aigulibwagho."