Lunaku lulala, Lucy, Acharait ni Mary baagya mukibira ghalainho ni ghaka okulonde ebibala ebyomunsiko. Bagemagana emikono okusala omwiiga omunene kumpi nekibira.

Bayagaana omuti omughanvu nga guliku ebibala ebyenvu. Abaghala baikirizagania okunhiinha gheigulu kumuti banoge ebibara nga bazibiriiza emaiso gaibwe.

Lucy, Aharait ni Mary tibazibawo maiso gaibwe. Okutolaku Akadeli yenka neyazibawo amaiso ge nga anhoga ebibara.

Bwebazibula amaiso gaibwe, Akadeli yalai anoze ebibara ebitali byenvu.

Lucy, Acharait ni Mary basekerera Akadeli era bairayo ghaka. Akadeli yasuula ebibara bye ebitaali byenvu era yatandhiika okulondha ebyenvu.

Amangu ago, Akadeli yeidhuza ekikapu kye ne bibara ebyenvu. Yatyaama yenka nga balikusala omwiiga omunene.

Ghagati mulugendho nga basala omwiiga, ekikapu kya Akadeli kyegwa era kyetwalibwa. Yalimusungughavu era yatandhiika okulira.

Nga Akadeli akali kuva mumaadhi, yabona engege enene era yagiswankula.

Nga Akadeli asitwiire engege okutwaala ghaka, eikoli lyamuswankulaku era lya buluka nayo.

Akadeli yabona nga eikoli lirese elyoya eryakyansuti.
Ghaire yasomoozebwa, yalondha eyroya era yeyongera yo nalyo ghaka.

Yayaganhanha no kugaitibwa okwebyenhonho. Abantu abaali bakinha baalia bavaire egoye edeisubi kumitwe dhaibwe mukifo ekyamooya kuba nekyali ekyobuzaliranwa. Bamutolaku amooya era ente esaata.

Akadeli yatuuka ghaka n'ente ye ensaata. Abazeire be na bengandha baali basanhufu inho. Lwali lunaku lwankabi eri Akadeli.