Mu biseera ebyeira, mu kyalo kye e Turukana, abantu baayendanga okukina entongooli, amakina ago obughangwa.

Buli lwa igulo nga bakungaana baakina entongooli. Ekiketezo kyonakyona kyamanha ku bakini abe ekyalo.

Abantu abe ebyalo ebiriinaine agho boona baidhanga ku kyalo kino okukina.

Omukinakinhumye yaaghulira e kyalo kino ekitutumufu. Yaagheereza omubaka ajeeyo me yeena atuukeyo.

Omubaka bwe yatuuka, abanakyalo baatya.
Beewuunia ani ono omukinakinhumye, era lwaki otumye omubaka. Abanakyalo baategeka emmere ne ebisolo ebyokusala.

Abana kyalo bakungaana ba lindirira. Batyama olunaku lwonalwona paka olweigulo. Oye omukinakinhumye nga tatuuka.

Obwire obwo, abanakyalo baakina nga buliidho paka mu bwire ghagati. Obwire obwo ghaaligho abakini kamaala. Buli muntu mu kyalo yali musanhufu.

Bwe baali bali kukina, omukinakinhumye yaatuuka. Ghaire yali mukinakinhumye, yafaanana nga era abanakyalo abandi. Ti baamutegeera mu kusooka.

Ekiseera ekyo omukinakinhumye eky'okukina bwe kituuka, yegaita ku basaadha. Aye enkina ye yali yandhaghulo nga ecuukaku ku ya abandi.

Abantu baanhumirwa bainhama okusekerera omukinakinhumye. Abakini abandi baagwa nga bakuba emicanca. Abandi baatyama ghansi, abandi baafukamira mu nseko.

Omukinakinhumye ti yayenda kya bantu kumusekerera. Yaasalaho okubalaama. Yaalekera okukina, buli muntu yakadambbala oti bwa ibaale mu kifo kye yalimu. Abandi baali balambaire ghansi. Abandi be bbeedhye, abandi batyaime, no okufukamira. Agho omukinakinhumye yaakangaaluka ekyalo.

Okuva n' olwo, amabaale ago gaasigala agho. Obwire gaghulikika nga geembba no okukuba entongooli.
Tutyo bwe tuli ne ekibangirizi ekyo Namwetunga.