muliro, maadhi, mazima ni kulimba baali ba mukwano.

Aye kulimba tiyali busanhufu era yayendha okwita mukwano gwaibwe.

Lwali lulala kulimba yakoba, "lwaki tituja twena twena twanonia eitaka eryobwerere. Buli omulala kwife afune obwa kyabazinga gwe?" Baikirizigania era batandiika okukola.

Kulimba yaja eri maadhi era yakoba, "muliro nomulabe omubi einho. Ayooca buli kintu kyona kyona. Twendha tufune obwakyabazinga nga tali niife walala."

Maadhi yakoba, "tukole ki?" kulimba yairamu, nekyo kyene tulino okumwita. Niiwe ghenka alina maani okukola ekyo. Ghanaaba atwaime ghansi, mumanseku era omusanie gho!"

Maadhi yakoba, bwenakola ekyo ndha kubulira kwitaka era tiidha kwiramu kuboneka." aye kulimba yakoba, "be wazira mbolodhani, ndhakuta amabaale ghansi, era toidha kusanagho. ndha kusoloza." kulimba yata amabaale ghansi. okusoloza maadhi.

Muliro eyali nga ezira kyali kusubira bweyatyama ghansi, maadhi yamuyiyikaku yena yena. Mu ngeri eyo, kulimba yetolaku muliro era beyongerayo.

Bwe ghabitaagho entangama, kulimba yakoba maadhi, "Bona, lwaki, totyama ghaigulu ku maikirira go olubale onhumirwe ebwobutonde.

Agho maadhi bwe yatyama ghansi, kulimba yemulula okutuka ghaigulu yaghalula amabaale okuva ghansi we. Maadhi yasambuka, era eyo neyali enkomerero ye.

Buti, kulimba yaba nga alina okwetolaku mazima. Bwebaidha ku lusozi olunene, Kulimba yakoba mazima okulindhira ghansi gho olusozi.

Yasindiika ogubaale ogunene ghansi gusekembule mazima.

Awo eibaale bwe lya sekembula ghansi, ebikomo ni zaabbu nebintu ebindi ebyo mughendo bwavaamu. Mazima yasobola okwekulula yafuluma mwibaale eimenefu.

Kulimba yaika ghansi okubona omubiri gwa mazima. Aye, yabona bwa bintu bwa mughendo mungi. Yabuuza, "bino biviire gha?"

Mazima yakoba, "eibaale bwelingwireku, bino nebiviremu." kulimba yayenda ebintu bino ebyo mughendo yeena. Yakoba, ndhidha kuja ghansi gho olusozi. Irayo ghaigulu osindiike ogubaale ogunene ogundhi.

Kale, Mazima yaniina ghaigulu era yasindiika ghansi ogubaale ogunene.

Ogubaale gwagwa ku mutwe gwa kulimba era gwa mu sekempula yaafa.