Empube kyabazinga yali yeeghulira. ''Empube ne ebisolo ebikaawula kwewuunisa munsi yonayona,'' yaakoba. Empube edhindhi dhonadhona dhaikirizaania naye. ''Oli mutuufu,'' dhonadhona dhaakoba. ''Niife ensoro edhikaawula kwewunisa munsi yonayona.''

"Ninze kyabazinga asinga munsi yonayona," Kyabazinga ne yakoba. "kituufu! Oli kyabazinga akasinze munsi," empube dhonadhona dhawoigana.

"Omwana ghange no omulangira aka sinze munsi,"Kyabazinga ne yakoba. "Dhaikiriza! Mutabanhewo naka sinze kuba mulangira mulungi munsi," Empube dhonadhona dhaikirizagania.

"Tulina okufunira mutabanhe ghange omukazi," Kyabazinga owe mpube ne yakoba bakulu bainhe. "Ezira nsolo ekasinze nga empube. Mutabanhe alina kughasa omukazi akasinze munsi. Tusobola mufunagha?"

Abakulu bakubagania edhuubo okumala entangama egheraku. Omulala kubo yakoba,"Ghaliyo omuntu mulala kwife atusingaku." "Naani oyo?" Kyabazinga owe empube yabuuza. "Omutonzi ghaife," omukulu yakoba. "Olimutuufu," Kyabazinga owe empube yakoba. "Omutonzi ghaife atusinga twenatwena. Muje musabe omutonzi ghaife, atughe mughala ghe."

Abakulu baghampube baja okutuuka mubireri okubona omutonzi ghaibwe. "Bambi," bayogera. "Omulangira ghaife, mutabane gha Wampube Kyabazinga, ni Wansolo akasinze munsi yoona yoona. Onaatuwa mughalawo okuba omumbendha?"

Omutonzi yamwenha. "Singa omulangira wo nakasinze kuba mulungi mubaghansolo munsi yoona yoona, mperanho mutuufu inho ku mughala ghange. Alina kubayiza amusingaku," Omutonzi ne yakoba. "Walufu wa maanhi okunsingaku," Omutonzi yakoba. "Walufu lwindha mubireri era lwampembaku. Tisobola kumwemululaku. Tisobola kumubinga wo. Buuza Walufu mughala ghe."

Abakulu bairayo ye Kyabazinga ghaibwe. "Omutonzi bulikaseera mutuufu," Kyabazinga owe empube yakoba. "Walufu gha kitalo. Muje mubuuze Walufu mughala ghe."

Kale abakulu baja okunhonia Walufu. Baakoba, "Kyabazinga ghaife nakasinze kuba muziira munsi yoona yoona, era ayenda kubayiza mughala wo." "Munkobere ebimugamaku," Walufu yakoba. "Mugezi ate gha mulungi," omukulu yainhama. "Lekera awo!" Walufu yakoba. Mulungi inho ku mughala ghange yanka bayiza omuntu owundhi ansingaku."

"Ani asinga Walufu?" Abakulu babuuza. "Wampewo ansinga," Walufu yakoba. "Ankungudya yantoolawo. Tighanga kwemerera nga Wampewo. Buuza Wampewo mughala ghe."

Abakulu bairayo ye Kyabazinga ghe Mpube. "Walufu mutuufu," Kyabazinga wempube yakoba.Wampewo asinga Walufu. Mujemubuuze Wampewo, mu mughala ghe."

Abakulu bairayo okunhonia Wampewo. "Wampewo asinga," bakooba. "Tuva gha Kyabazinga we mpube. Ni kyabazinga asinga munsi yoona yoona era ayenda mughala wo afumbirwe mutabanhewe." "Aye mazima genhe ni Kyabazinga akasinze yo munsi yoonayoona?" Wampewo yabuuza. "Mulungi inho kunze. Omulangira ghaimwe atekwa okunhonia yo omuntu owundi asinga," omughala yakoba.

"Ani asinga Wampewo?" Abakulu babuuza. "Walusozi ansinga," Wampewo yairamu. "Mmusindiika namuyuuza, aye taseguka. Muje mubuuze Walusozi, mughala ghe." Abakulu baira yo ye Kyabazinga ghaibwe. "Iiiii!" Yalira. "Wampewo mutuufu. Muje mwogere ye Walusozi."

Kale abakulu baja bayogera ye Walusozi. "Omulangira ghaimwe kweri mulungi era gha amaanhi?" Yabuuza Walusozi. "Mulungi inho ku mughala ghange. Alina kughasa muntu wundi inho amusingaku." "Ani?" Ani?" Yabuuza abakulu. "Wampube owo omunsiko ansingaku," Walusozi yakoba. "Yankuba mu ebituli tighanga na kumwemereza."

Abakulu baghampube bairayo ye Kyabazinga ghaibwe. Kyabazinga wa ghampube yakoba, "Wampube owo omunsiko muganda ghange ku luuyi olwa maama! Mughala we aja kuba omukazi omulungi ku mutabanei ghange."

Kale Kyabazinga gha wampube yafumbirwa mughala gha Wampube owomunsiko. Baabawo mwisanhu emyaka mingi.