Agho olwatuuka yaliyo Wakayima ni Wampiti nga bamulinanaano. Nga bogera ku mak gaibwe ne birungi mu nsi Wampiti yali ne isamba einene lyeyenda nga inho, aye gwali mulimo munene inho okusimba buli kintu yenka. Yalowooza ku okufuna obuyambi okuva ku mulinaano Wakayima. Kale lwali lulala yaja okubona Wakayima amuyambe ku mwisamba lye. Aye nga aidha kumusasula mu amaido okuva mu isamba. Baikirizagania olwokuyambagana mu mulinaano.

Wakayima yanala kutyama nga wazira kyakola olunakulwonalwona, nga Wakayima wainhuka nga ava okukola, nga Wakayima amusaba ku maido okuva mwisamba. Aye Wampiti nga tacenda. Wampiti akiririza mukukola ihno se tikufuna bintu byabwerere.

Kale lwali lulua Wampiti yalowooza, ''Kizibu inho okukola olunaku lwonalwona. Oba Wakayima anhambeku anairanga namaido mubutuufu nga agakolereire.'' Wakiyima baikirizagania mukukola bagemagana mungalo nga alowooza at kirungi. Baikirizagania omulimo yegukanga obunene yokanga okusasula emere yaghaka ghaibwe.

Bombi bakoleranga ghalala bulungi inho. Nga bakola bwebaseka. Wakayima nga alima bwasimba Wampiti bwayemba nga bairayo. Wampiti yali musanhufu kubanga asabola okusimba okusinga wo.

Wakayima yali akola inho nga mufubi inho obutawumula. Nga akola mangu mangu. Aye lowooza ati ayenda okukola bamwongenze ku kubanga Wampiti yali amusasula katono.

Yatwala Wampiti mukibandha okumulaga ebirime yakoba Wampitu, ''Bona bino byana byona, nansimba buli kintu nasigaza kunhongenza Wakayima nakoba. Wampiti yamulingirira yakoba ati ''bbe, Tukolera ghalala kale tisobola kukwongera nkemba. Tolabira mwene nimiro eno. ''Yayasikana aye Wakayima tiyali musanhufu yatambula yavawo nga munyiivu inho.

Wampiti yali mweralikivu. Wampiti yagya eka yelowooza ''Naakola ntya kubanga Wakayima mukozi inho tisobola kumuleka.'' Kale Wampiti yayeta Wakyima bateese abuuze, ''Ayenda maido gaagawa?'' Wakayima yali mugezi gezi yakirowooza ku, nga asangaire yakoba ''Mmmmmmm odhi ekisanhuisa? Bwompaku ekitundu kye isamba nintwala ku oluyi niwe weena notwala oluyi.''

Empiti yalowooza mu ku, ''Kirungi oidha kufunaku bwobanga olikukola einho nga bweghakolanga.'' Wakayima yamwenha yakoba ati kale ekyo kiwoire, amaze okupanga diiru. yakiririzaawo mangu.

Aye ekiseera bwekyatuuka, Wakayima yakera okukola einho nga atyama butyame bwayemba olunaku lwonalwona. Wampiti yakolanga inho, nga batanddika kukyaghagana ni Wakayima. Yali munhiivu inho yewunia lwaki yaikiririzagania engeri yokusasulamu omukuzi ogwasooka.

Wampiti yelalikirira inho ku mpisa dha Wakayima. Lwali lulala Wampiti yaleetawo ekirwoozo ekinabayamba mukizibu kyaibwe. ''Nhenda tube bamukwano ate abomulinano aye tuli nebizibu'' Wakayima nakoba. ''Tuli bamukwano era twaba bamulinaano, twagabana eisamba, tuteekwa okuwedhagana ekinaganzi Wakayima yakiriza. ''Tyenda kukola niwe mulimo kubanga olimugayavu era tokuuma bulagaane bwetwakola'' Wampiti nakoba.

''Bwoba nga tonhambe kukola niini fuluma mwisamba lyange'' Wampiti nakoba. Wakayima yaloba okufuluma kubanga yafunangamu emere yobwerere. Aye Wampipti yali asiniirwa yamubinga yamulabula ati obutaira. ''Kyava obona Empiti nga ebinga Wakayima buli webaganana ni mwisamba.