Obwire bulala, dhaadha omusaadha yali anfumbaatiire. Engalo dhe dhaali ngovu ate enviiri dhe nga nningi.

"Ndi'ja kukukobera olufumo olulungi einho nga lugema ku mughala gwe beeta Lole Jole."

Nga tosobola kubona Lole Jole kuba yali taboneka.

Nga osobola okumubonaku nga amaadhi gamukubye mu mutwe ghonka.

Oba nga bamubwise mu godhooli mu buliri.

Lole tiyazaanhangaku mizaanho ja baana gyonagyona. Baamutiikiriza nga bamweta amaina.

"Bona, ni Loole yetuloghooza tuti mukwano gwaife! Tali nga ife, yefuulabwefuule!"

Lulala, nga tuli ku isomero, omulenzi yabuuza ati, Ofaanana otya? Nkubonaku bwa mu mugozi."

"Osobola okwemyula mwene? Lole yaamanha nga yali asobola. Aye ti nga omulenzi bwe yali asuubira.

Lole yaamyula omubiri gwe ne ebyo byonabyona bye yali nga asiga okwenda mu nsi ni gha igulu.

Yeemyulanga buli lunaku na amadhandha, okutoolayo ekyo kye yali munda mule.

"Ndidhi nga titegeerekeka era ndi muzibu owo okubona. Kale nd'asiiga ebifaananhi bino okulaga ekyo kye ndi.

Oli kukola kino, dhaadha? Olufumo luno lutuufu? "Lole ni mwene mwene - mwenemwene nga nze, mwenemwene nga nze."

Dhaadha bwe yandeka agho, nali tisobola kukiikiriza, aye ndhuuba nti, nabona Lole ku luya kumpi ni gha mulyango gwange.