Wantaama yabanga mu kibuga. Yakoogha ekibuga yaaslagho okuja mu nsiko.

Mu kutambula, yayagaana Wampiti eyali taliire okumala enaku.

Yalamusa Wampiti yairaganamu, "Muganda wange Wampiti, oliyotya? Muganda wange Wampiti oliyotya?"

Wampiti yairamu Wantaama, "T'onamusa woiraganamu. Kolagho ky'oklagho okutoolagho endhala yange."

Wantaama bweyawulira ekyo, yaatandiika okulumuka. Amangu ago, yaatuuka ewa
Wampologoma.

Wampiti yali ali kumulumuukirira, yaatuukagho yaakoma. Yaakuba Wampologoma enfuufu mu maiso.

Wampologoma yaakoba Wampiti ati, "Tosobola
kwagaana mirembe mu maka gaife, noofuumulira
enfuufu mu maiso gaife!"

Osuula enfuufu mu maiso gaife!" Wampiti yairamu, "Kyabazinga, mbaire titegeeza butakugha kitiibwa! Ndi kulumuukirira mmere ya kulya!"

Wampologoma yaakoba ati, "Oli mmere yange yeene, Wampiti. Aye nkubinzeeku? Oidhe yendi. Kabiri toonenia."

Wampologoma kabiri yakoba Wantaama, "Lwaki waidha mu kapanga?"

Wantaama yairamu, "Naidha olw'okuba ndi musamize."

Wampologoma yakoba, "Tegeka obulezi obw'ekinansi ntegeere nga oli musamize." Wantaama yairamu, "Obulezi bwange bwa bbeeyi."

Wampologoma yakoba, "Ekyo ti kizibu, oba bwa imeka. Ezira kintu kitasoboka kunze."

Wantaama yakoba, "Obulezi bwa kutu ya Wampiti." Wampologoma yasala ekutu ya Wampiti yaagigha Wantaama.

Wantaama yata ekutu ya Wampiti mu jaaga y'omubisi yaagigha Wampologoma.

Wampologoma yalya ekutu ya Wampiti yajagaana nga ewooma inho.

Yabuuza Wantaama, "Kisoboka nze okufuna ekutu eyindi?"

Wantaama yakoba, "Iyi, kisoboka kyabazinga wange." Kale Wampologoma yasala ekutu ya Wampiti ey'okubiri yaagitwalira Wantaama.

Wantaama yata ekutu eyo mu jaaga y'omubisi yaagigha Wampologoma.

Agho Wampologoma yaakoba Wantaama, "Kisoboka okufuna oluwu?" Wantaama yairamu, "Kisoboka kyabazinga wange."

Wampiti weyawulira ekyo yali mwereriikirivu okufa, ya lumuka. Wampologoma yeena yamulumuukirira.

"We kiba nga eno n'embeera eri mu nsiko, kyandibaire kikalamu okwirayo eka," Wantaama neeyakoba.