Eira einho, tighaali bwire mu kyalo kyo Opiyo. Abantu batendukanga lwa bukoowu era nga ghe basitukira nga ghe bainhamira okukwadhia emirimo.

Lulala Opiyo aja mukuyiiga ne embwa dhe. Nga ghabiseegho akaseera katono, embwa dhe dhiinama okubinga akapuuli. Opiyo adhinonhereza. Yalumuka okumala esaawa kamaala. Buli saawa bwe ya koowanga, nga awuumula. Ate era yairamu okulumuka. Nga taghanga kwagaana mbwa dhe.

Oluvainhuma lwe enaku kamaala, yaidha ku kyalo. Yaidha ku ndhu ndala yaakoba mweneyo, ''mminze akapuuli okumala ekiseera kighanvu era ndi mukoowu inho. ndi kwenda kuwuumula ku, ''Omusaadha ya mukoba, ''Tyama owuumuleku. Oyenda ku mwenge!'' Opiyo yali ne enhonta yaanwaku. Me yaaja okutenduka.

Bwe yasituka nga tasobola kubona.Yamoga era ya zibiriza amaiso ge emirundi kamaala. ''Ompaire ekintu ekibi naanwa.'' Yaakoba omusaadha. ''Tikaabona bukalamu!'' Ozira buzibu bwona bwona bukutuuseeku,'' obwire buzibye. Tobonanga ku bwire? Omusana bwe guja, obwire bwidha.''

Opiyo yabuuza ebibuuzo kamaala ebigemagana ku bwire. Yainhama okubwendha einho. Opiyo ni mukagwa ghe omuyaaka baayogera paka nco. Yaligho olunaku olundi asobole okubona ku bwire kabiri.

Enco eryairirira yaabuuza mukagwa ghe, ''Nninza ntya okusobola okutwala obwire ku kyalo kyange? Ndikwenda abantu bange babone ku bwire.'' Omusaadha yaamwinhonhola, Bwe bwinhama okuziba eigulo, tambula oje ku kyalo kyo. Bwo olingirira emberi bukalamu, obwire bwidha ku kunonereza. Bwo onaalinga einhuma, obwire bwidha kwirayo.''

Opiyo yaakola nga bwe baamukoba. Eigulo eryo, yainhama okutambula okuja ku kyalo kye. Yeghulira obwire einhuma ghe bwe yali atambula. Yasendebwasendebwa okulinga einhuma. aye tiyakikola.

Bwaidha ku kyalo kye, abana kyalo baatya. Babuuza Opiyo, ''Ndwire ki eno gyo otuleeteire? Kintu ki kino ekizikirivu ekiri kukunonereza?'' Opiyo yaakoba, ''Bakagwa bange, kino ekintu ekizibirivu bakyeta bwire. Mutiire nga zeena bwe natya.''

Opiyo yeyongera okwinhonhola, ''Mwidha kwega okwenda obwire. Ekitangaala bwe kiidha tusobola okukola ate obwire ghe bwidha,twa wuumula.''

Eyo ne engeri obwire ghe bwaidha ku kyalo kyo Opiyo.