Wenali nga ndi wa myaka etaano,daada wange yampa ekirabo ekirungi. Kaali kabwa ka saasira isatu. Olunaku daada wange lweyaleeta akabwa e ghaka, nali musanhufu inho. Namanha nga nfunie mukwano gwange.

Bweyamala okukata ghansi, daada yambuuza, "Liina ki lyoj'okukawa?" nakalingirira naamukoba,"koko." daada wange yeewunia.yaabuuza lwaki nkatuumye koko? nairamu nti kubanga kafanana oti kokowa.

Nabuuza daada wange obanga koko yazaalibwa yenka. daada yankoba ati eriyo akabwa akandi, akali nga koko. Naja okubona muganda wa koko.

Koko weyabona mugandawe, yaali musanhufu inho. Bombi baata emitwe gyaibwe ghalala oti bali kughaya.

Nabuuza daada wange obanga nsobola okuba ni koko ni mugandawe. "Waziira buzibu," yaakoba. "Aye oteekwa okubulabirira bwombi." Kale buli lwaigulo, nazaanhanga nabwo era naabukozesanga ebisasaizi.

Emyezi mitono nga gibiseewo,koko ni mugandawe baakula baageeda era baanhirira. Bwakula inho nga tisobola kubulabirira kubwange zenka.

Kale nasaba daada okwizaayo muganga wa koko. Aye koko bweyasigala yenka, yanakughala inho. Nga alinga alikumbuza, "lwaki wakola kino?"

Yalekera okuzaana.Enaku edindi yadeemanga okutambulamu ninze. Waliwo ekiseera koko weyalyanga katono inho. neeralikirira.Neebuza,"naakola ntya okuyamba koko?"

lwali lulala daada wange yaidha okukyala. Wenawulira eiroboozilye nayanguwa okufuluma enhumba. Nga nkaali kumubona,nawulili embwa nga dhibwoigoka.

Einhuma w'ekiyungu, koko ni mugandawe baali nga bali kukina nga basanhufu.

Nali musanhufu inho nti nali tiidi ani gwembe nhwegere okusooka, oba koko oba daada. Nategeera nti koko ajakwirayo mumbeerade edaira olw'okuba nti mugandawe yali eize.Twiremu tulumukenga ng'eira.