Eira einho, Ensolo dhaali dhogera. Waaliyo Wakaduuyu ni Wampiti.

Bombi bali baamukwano inho. Buli kintu baakikolanga babiri nga otaireku ni okunoonia emere.

Wakaduuyu yali mugezi. Yasoloza emere nhingi okusingaku eya Wampiti omugayaavu.

Wampiti yali mugayaavu aye nga ayenda inho okulya. Baayiigiranga mu bifo byandhawulo aye nga emere bagitereka ghalala.

Wakaduuyu yakozesanga obukodyo okufuna emere amangumangu. Yalyangaku n'eyidi ng'akaali kugitwala Wampiti yaali.

Okwendhala, kyali kizibu ababiri okusoloza emere ebamala.

Wampiti yalekera okunoonia emere. Yalyanga akatono Waduuyu keyaleetanga eka. Ekintu kino kyaniizanga inho Wakaduuyu. Wakaduuyu bweyaira eka ng'azira mmere, yawaamu amaanhi.

Wampiti yali ti mweteefuteefu okucuusa okuva mumuze ogw'okumukolerera. Obulamu bwazibughalira Wakaduuyu okuliisa Wampiti azira kyeyali akola yaayiiya engeri ey'okumwetoolaku.

Lulala, Wakaduuyu yasitula Wampiti munco inho. Bayemerera mu muti bateese engeri yebaali baja okubaawo.

Tibaikirizigaania kuba baali n'ebidhuubo ebyendhawulo. Wampiti yakoba ati yali alemereirwa okufuna ekintu kyona kyona kuba yali tasobola kulumuka inho nga Wakaduuyu.

Eigulo, Wakaduuyu yali alikuyiiga, yaabona omuti ogwamulisa ebibala ebyenvu. Yatyama mumuti yaayiiya engeri ey'okubiryamu era twaleku n'ebindi. tikyali kyangu kuba kwaliku olusito.

Mubugubi, Wakaduyu yasobola okutuuka ku muti. Yaghalampa yamagaza ebibala bingi inho. Yalya ebindi. Yasoloza ebindi ebyali yaabita mu kiibo Yalemererwa okwetwika kuba yali mwigufu inho. Yaasalagho okuwuumulamu. Ekyembi, yatenduka mwene nnimiro yaamwagaana nga mufu muzibu era nga tasobola kwemululawo. Yamusibaku omuguwa omuleeyi.

Omuguwa gwali muleeyi era gwamusobozesa okuja eka eyo gyeyasirughaliza Wampiti yaamukoba ati eriyo embaga era yali atumiibwa nga musibe anone Wampiti amusibe omuguwa atabulira munjira.

Wampiti yasibula Wakaduuyu yeesiba yanonereza omuguwa eyo gyebayagaanana ni mwene nnimiro ng'alindirire n'ekyambe. Wampiti baamutemerawo. Emmamba yagheebwa mbwa ate oluwu lwasibibwa mu nimiro.