Óre apá té ápa, néméátai enkewaríé te múrúa é Opio. Ore peê énáúrû iltunganá néírura. Óre peê einyotóto néasishó.

Óre nabô olóng nélo Opio éríkítô ildíein lenyéna eng'óróré. Nédol ildíéîn enkoilií, néíteru áamir. Nésuj Opio. Nékuet olêng omenáura, néton ayeng'iyeng'á. Néítokí adumunyé akúét, káke eitú éínépû ildíein lenyéna.

Óre etulusoitíe inkólóng'i kumók, nébaya enkanasâ. Nébaikí enkají nabô. Néínepu olopény. Néínosáki eneing'úaa. Néjokí, "átímíra enkoilií te enkatá náado nánaúre, nááta enkuré. Káyieu enáyéng'íyéng'aré." Néwalikí ilô páyian ajokí, "íyeng'iyeng'ayú." Néng'as aishó enkáré náôk aár enkuré. Néílep airurá.

Néjo áínyótóto, meékure dúóó edolishó aitobirakí. Nébol, néíken, nébol, néíken inkonyék. Néjo éíshóó iló páyian entóki torrónô metóoko. Nébuak ajó, "imeékure adólisho aitobirakí." Néwalikí iló páyian ajokí, "imeáta inkonyék ínonó enyamáli, kéíkewaríé tenákatá. Kélotú enkéwarie tenélusóo endámâ."

Néíkilikúanu Opio imbáa kúmok naáípirta enkewaríé. Nényoru olêng enkewaríé. Nétoní áairo omekényu. Néítokí abík peê esipú enaikunúnye enkéwarie.

Nejoki olaiguanani Opio, "Shomo emanyata inyi tendeipa etaisere. Kake minang' ake silig. Ore ake piinang' silig, neshuko enkewarie. Kake ore pee iing'orr dukuya, nekisuju enkewarei."

Nias Opio enaa enatiakaki. Neiteru alo emanyata enye tendeipa. Keyie apa nenang' silig. Kake eitu enang'.

Ometoduaa taa ninye ade emanyata enye o lchoreta lenyenak.  Ore peedoli Opio, neurishoyu iltung'anak. Neitru aabuaku ejo "Opio kainyoo iyawua?"  "Ore ena toki nikisujita naa kiarr iyiook." Neurishoyu sininye Opio. Nenang' silig neing'orr enkewarie.

"Kaa keeya iyaka yiook Opio?" Neikilikuan ole nkapu lenye. "Kainyoo ena toki namisimis nekisujita?" Neikilikuan enkanashe ng'otonye. Nejoki Opio, "Ilchoreta lainei, keji ena toki namisimis enkewarie. Ore pee lotu ewang'an nekiasisho ore peelotu enkewarei, nekiyeng'iyeng'a. Iwureishosho tenakata nawureisho apa sinanu. Kake iponunu ake aamoku ninyorruru enkewarei."

Naa nnji apa eikununye enkewarie emanyata oo Opio.