Ise naba ndi khuukyeenda mu shaalo she Luŋaaŋa, naanyoola liŋaasa liboofu.

Ni nalikhupa libaale ni paande yase, lyaniaaka liri, "ŋaaa, ŋaa, ŋaaa."

Liŋaasa lyapamburukhila mu ngaaki. Ne ise naatimila aasi mu bunyaasi.

Khukhwoolesa ni lyakwa khu kusaala kukwoomu. Naalilasa ni paande yase luundi. Khu mbuka yino, liŋaasa lyahanukha lyekhupa aasi.

Naatsya naalibukula.

Naliyilila Nangaromboosa, umuundu ulya shoosi sheesi anyoola. (Lutweela namuwa namutwiitwi), waamulya nga amwinukuna.

Kumurwe kwe liŋaasa kwaba kumuboofu naabi, naluundi abe kwaayomaana nga shiibya.

Kunywiinywi kweene kwaba ni kiminaawa nga likheese naluundi nga kuŋaaha.

Sishili shaangu khuunyoola liŋaasa nga akhwirengekharengekha ta. Mu shilo kamaŋaasa kakona khu sokya tse kimisaala kimyoomu. Umuundu alya sheesi akana. Isho nisho shishikila Nangaromboosa alya kamaŋaasa.