Agho olwatuuka nga ku kyalo ebaayo omulenzi nga eriina lye ni Lule.

Lule yali mukwano gwa Bwonso. Baali baaku muliraano.

Lulala baaja okunona amaadhi.

Aye bwe baali bali kumpi okutuuka ku kidiba, baabona Wante nga alambaire agho. Baayiya amagezi ge babe babitemu okuzaanhaku naye.

Agho Lule yaatandiika okutiisatiisa Wante. "Muuu, muuu, muuuu!" Yaakikola mu maloboozi ag'omwanguka.

Okutuusa Wante bwe yacuuka naabalingaku. Mu butali bugenderevu, Bwonso yaatya muuku. Lule yaakizuula ati Bwonso afuniemu okutya.

Lule yaakoba, "Tuje ye Wante ono tumukube. Twidha kulumuka era tuje tusene amaadhi. "Lule, ntiiremuuku!" Bwonso bwe yaakoba mu kutya okwamaani.

Lule n'eyasookayo. Bwonso yaaja mpolampola. Baagezaaku okugikuba, aye tiyaseetukaku ghe yali.

Lule yaakoba, "Bwonso, sigala ghano. Nje nnhonhe amaadhi." Bwonso yaikiriza.

Lule yaasenera amaadhi mu kalobo akasooka.

Bwe yali ali kusenera mu kalobo akandi, Wante yaasituka. Yaabbedha Lule n'eiyiga irala, yaamukasuka mu nkoto ye.

Lule yaayasikana, "woowe, wooowe, woooowe!" Bwonso yaatoolera okuseka obutarekera.

Wante yaakoba, "Mmoo, mmooo, mmooooooo!"

Nga Bwonso amaze okufa enseko, yaabita mu bwangu yaaja ghaka. Bwe yatuuka eyo, yaayagaana Mbwali nga ali kweya luya.

Yaamukoba, "mama mama, Wante etwaire Lule!" Aye Bwonso gali gamubiseemu.

Mbwali yaalekula ekyeyo baatoolera okutaasa Luule.
Olowooza biki ebyairirira?