Isabirye yali mulenzi muto nga mutono ku myaka gye.

Yali ni muganda we omukulu ate nga w'amaanhi, mulungi ate omusirikale ow'ekitiibwa.

Lwali lulala, Kawuuta yaagha Isabirye ekirabo eky'eifumo. Isabirye yaabuukira ghaigulu!

Kawuuta yaikiriza nga Isabirye aidha kugeedha era abe n'amaani, era nga asobola okweghaayo okulwaana era yaaghangula mu biseera bye.

Kawuuta nga aja yaalwana buli kiseera era yaadhighangula. Yaghangula entalo egigheraku yaira n'ebirabo.

Aye edhindi dhamulema okughangula era yaira n'ebiwundu.

Isabirye nga ayinza okwemba enhembo edh'obughanguzi nga muganda we aghangwire olutalo.

Nga Kawuuta alemereirwa okughangula entalo edhindi, Isabirye nga amwidhandhaba okutuusa ebiwundu bwe bighona.

Buli munkyo, Isabirye asitukanga yaagema eifumo yaalisongolera ku ibaale.

Aye mu butuufu yali nga yebaza bwa mugandawe olw'ekirabo ekyo.

Eifumo lyali nga litegekeibwa okukola omulimo. Kawuuta bwaja mu lutalo, Isabirye nga alowooza ati aja kuja naye.

Aye nga awoza inho era yaasaba ekisonhigho nga akoba ati abire akaasongola ifumo.

Isabirye yeeyongera okusongola eifumo, nga ni bwe liba nga lisongoike. Eifumo lya tandiika okutonigha! Lyatonhigha!

Okutuusa bwe lyayaga n'akambe. Lwali lulala Kawuuta yaakoba, "Isabirye, oli mukulu ekimala esaawa dhino ate n'eifumo lyo lyona lyetegefu okukozesebwa."

"Gema eifumo lyo tuje," Kawuuta bwe yakoba. Tiyaikiriza Isabirye kweloghoozaamuku.

Isabirye yaanonereza mugandawe, nga ali kudhugumira. Kawuuta yaakizuula luvainhuma nti eifumo lyasongolwa inho.

Baatuuka mu irwaniro. Isabirye yali n'akafumoke akatono konka ate nga atiire inho. Kawuuta yaata muganda we einhuma we okukuumibwa.

Eifumo lya Isabirye lyali nga lizira mugaso ku lutalo olwo.

Kawuuta yakosebwa inho mu kulwana. Isabirye yaakola obwezizingirire okubona nga muganda we yeyongerayo n'olutalo.

Yakozesanga akafumo ke yaatemanga amakoola yaabwika ku biwundu bya Kawuuta ni baine abaali mu lutalo olwo.

Baira okuva mu lutalo nga basanhufu. Kawuuta yaafuna obuyambi okuva ye Isabirye ni Isabirye yaafuna obuyambi okuva ye Kawuuta.

Abalabe baaghangulwa.