Mu kibuga kilala, yaliyo abalenzi abokunguudo.

Eyabasingamu obuto nga bamweeta Magezi.

Magezi bwe yali agheza emyaka etaanu egy'obukulu, abazaire be baafa.

Yaja okuba ni dhaadha ghe Baamu.

Dhaadha ghe Baamu yali musaadha mubi.

Magezi yalumukawo era yaaja ku ngudo.

Obulamu ku ngudo bwali bukalangafu.

Abaana bano baasabirizanga busabirize.

Lwali lulala, Magezi yaayagaana akatabo ake enfumo ku isolongezo lye bikaba.

Akatabo kaalimu ebifaanani ebyo omuvuzi ghe enhonhi.

Magezi yaayenda okuba omuvuzi owe enhonhi ewulaeyo obunene.

Lwali lulala Magezi yayagaana Tomasi.

Tomasi yaatwala Magezi ni mikwano gye okufuna emere.

Magezi yaakoba, "Nze tiidhi kusoma."

Magezi yaakobera Tomasi, "Nalumuka okuva mu maka ga dhaadha Baamu. Yali musaadha mubi."

Tomasi yaabuuza Magezi, "Oyenda okwega okusoma?"

Yaatoola akatabo akayaaka ake enfumo yaakagha Magezi.

Magezi yaaloghooza ku ky'okuja ku isomero.

Yaidhukira dhaadha Baamu kye yakoba, "Oli musiru. Ezira kyodhi."

Magezi yatya inho.

Tomasi yamukoba, "Totya. Oidha kuba mugezi mukalamu."

Tomasi yaatwala Magezi era na abalenzi abandi mu maka ga abaana abaziraku bazaire.

Bali boonaboona baali basanhufu.

Magezi yaaja ku isomero.

Yaayenda inho okuba mu isomero. Yakola bulungi inho.

Lwali lulala, Magezi yaakoba Tomasi, "Nja kuba muvuzi gha nhonhi esinga obunene!"