Ndra drio, culu azi ovu oku ini lele turi be. O'du alu, culu nde mu acisi aisea, jere alia. Erini muria geria, fudri zamva azi be. Eri azo, ezi, dika onyi be kariko ru. Zamva nde ma e'yo 'de culu 'di ma asia, le eri coti. Zamva nde a'i vini eri ra. Te 'yo eri ni 'i ba be alu.

'Yo erini ma go vile akua, ma eli ivile okuri ma ba, ma iji 'dole. 'Da ma vutia 'i nga ovu ba be iri. 'Da ma vutia eco 'i 'du okuru ra. Culu nju akuale ongule si. E'du ili, 'be ima oku vuru, ali eri ma ba fia ari be.

Nju mbele mbele pari erini zamva erini isu o'di ri vu jere alia le. Esuni zamva nde pari 'da ma alia ku. Omve eri ma ru okpo si, te angu uvu cucu. 'Da ma vutia ari 'duko 'yo, "Mi ma omve a'du si? Ini mi jere 'bani omvee Musambwa kwa Libeeletwela ri ma alia ku ya?"

Culu 'da kamu e'yo 'da eri 'bo, nju ongule si akua le kile 'e 'bani gbi ri le. Kamu ca akuua 'bo, esu 'ima oku dra 'bo. Omvu nya eri tu. Chandi ma e'yo si, nga vini dra ra.