Lwali lulala, kyabazinga "mpologoma" yaayeta ensolo dhonadhona mulwekobaano olunene. Yayenda kuteesa kungeri ki gye baghanga okukuuma obutonde bwaibwe.

Bawansolo bwe baatuuka mu bungi, Kyabazinga Wampologoma yaabakoba bisirikirire.

Boonaboona bwe baaghaayo, Wapologoma yaabakoba ati, "Abantu bange mughulirise bukalamu."

"Abazigu baife bali kutema emiti gyaife era baayokya ensiko yaife. Tukokole ki?" Wampologoma yaabuuza.

"Abaisuka, abaguna, abasaadha n'abakazi, bali kumalagho obutonde bwaife. Tubakomya tutya okwonoona amaka gaife." Wampologoma bwe yabuuza.

Bawansolo boonaboona baanhiiga era baafuuka beeghalikirivu.

Baalonda Wandhovu, Wambogo, Wankula ni Waikoli babone engeri ey'okukomya ekizibu kino.

Bawansolo bano baasalagho okugema buli muntu eyali atema emiti.

Baasiba abayokya amanda na abalimira mu bibali. Baagema abookya empiira na abalima abandi.

Baabatwala mu mbuga okubawozesa.

Aghooni bawansolo baakola endagaano eye milala na abantu.

Eitaka lingi lyaghebwa bawansolo, na bantu boona baafunaku. Okuva niku olwo, bawansolo baateeka. Naabandi basula na abantu mu maka giabwe.