O'du azi ndra alu, agu azi ndra ci ega pi kini 'ba ode yi ma ondoa aga 'ba 'wara yi ra ri. Ri ata o'du azini si I ece kini I ma ondoa aga I ma anyii vile ri ra. Eri ma oku ni ni tro yo zu eri ni yo fo ti, agu nde a'I ni e'yo 'da ku.

Ka'dinile o'du azini zamva 'di ni mu ria I ma ati ni ne ria eyi vile, ece ima ati ni kini I vile agupi ri 'yo ima ondua erini ni ndeni yi ma elini esele cozu ra ri si. Zamva nde ma ati nga zamva nde ma ti pe muzu zizu ima mvia ma tia kani ada ada erini ega ri si eri ma ondua ndeni ya ri.

Zamva nde vile agupi ri nga eri ma ti pe vile I ma anyi vu 'yozu ti nia kini ma ayu ofusara ewa edezu idri dika ma edri ewa nde I vu 'dole.

Anya nde nga di lu gu gu eri ni ni le ra kini 'ba econi ewa ede engazu ofusara ma alea ku ri si. Te ti anya nde nga di I ma zi ma ti pe I ma mvia vu o'duko eri a'izu ewa edezu ofusara si ra ri pie, kani 'yo I ka ewa nde ede 'bo, 'ba emu pi ewa nde ji pi I ma mvia vu ri ma ovu agupi ni kani oku ni ku.

Zamva nde ma agupi 'di nga di e'yo nde esu ewa ru a'dusikuni 'ba nyaku 'di ma dria 'diyi ni ovule agupi ru azini oku ru ri si E'dozu o'du 'dasi mvia nde nga di e'yo 'bani 'yo kini ''ba ma wua dri econi zo 'ba ma dri ni ndeni ku ri" ma efi vaa ra."