Awo olwatuuka nga ghabawo omukazi omughagufu. Bweyali atambula okumpi ne enhanda lulala, yayagaana obughala busatu. Kazi yabuuza obughala, "Ani kwimwe asinga kwendhebwa na abazaire bombiriri?"

Akaghala akasooka kakoba,"Maama ghange na singa ku nhenda." Akaghala akukubiri kakooba, "Bbaabba ghange ahenda inho." Aye akokusatu kakooba, "Nze nhendebwa na bazaire bombiriri."

Omukazi omughagufu yakoba akaghala akendebwa na bazaire bombiriri ati kamwetwikireku enku. Kale akaghala kona kamunonereza.

Batambuula ku entangaama. Akaghala kabuuza omukazi, "Enku dho dhirigha?" Omukazi omughagufu yairamu, "Dhiri kumpi ne miti gire egirighale!"

Bwebatuuka gha miti, akaghala kairamu okubuuza, "Enku dho dhirigha?" Omukazi omughagufu yairamu, "Tighala inho biti!"

Bayagaana omusaadha mungira tibaja. Omusaadha yabuuza omukazi omughagufu, "Omwana wo nani?" Omukazi omughagufu yairamu, "Ayetebwa ensawo eyogera."

Akaghala yainhamirawo kwemba. Yayemba, "Nze tinhinze nsawo eyogera. Eriina lyange ninze Kaamunge! Oh! Maama ghange, gwengonza. Oh! Bbaabba ghane gwengonza. Oh! Eibuga lyange lyenkozesa okunhwa amata!"

Omusaadha bweyawulira akaghala byembye, yakanhunhula era yakaizaayo yabazaire bako. Awo ghenabalekeranga!