Lulala, Isabirye ni mukazi we baaja okucaaliraku Siniini ni mukazi we.

Bwe baatuuka eyo, Isabirye ni mukazi we baasangazibwa mwisanhu ery'ekitalo.

Baabamaanhira n'enkoko.

Baalira ghalala.

Mu wiiki ey'okubiri, Siniini ni mukazi we boona baaja okucaaliraku Isabirye ni mukazi we.

Bwe baatuuka eyo, Isabirye tiyaliiyo eka.

Yali nga ajiire kutega katego kugema ku binhonhi.

Isabirye bwe yaira, yaabona mukwano gwe era yali musanhufu inho.

Yaaja okubona mukazi we byeyali nga alikufumba.

Yali nga alikufumba bidhandhaali.

Yaasamba ensaka y'ebidhandhaali byayuyika mu nhumba yoonayoona.

Yaakobera mikwano gye nga bweyali nga ateze akatego okumpi n'ekisu ekyalimu amagi g'ekinhonhi.

Bwe baali nga bali kwogera, Isabirye yaawulira nga ekinhonhi nga kiri kulira. Agho yaafunamu endhowooza.

Ekinhoni kyali nga akatego ka kigemye!

Isabirye yaatuuma, yaata akambe mu musipi, yaalumuka okuja okugema ekinhonhi.

Mu masanhu amangi, yakigemera mu mukono mulala.

Mu mukono ogundi yaagemeramu amagi.

Isabirye yairayo eka nga musanhufu.

Aye bwe yali nga atambula, akambe kaali nga kali ku musala mu nkende.

Mu masanhu amangi, yatambula yaingira mu ndhu ye.

Mu kaseera ako, omusipi gwasibuka n'empale yaika okutuuka mu bivu.

Yaagezaaku okugisika yaaleka ekinhonhi kyagya.

Kyabbuluka kyaja n'amagi gaayatika.

Siniini ni mukazi we baaseka! baaseka...!

Agho boonaboona baalya ebidhandhaali ebyasigala mu nsaka