Olwatuuka, ghaabaayo ab'emikwano babiri. Omulala yali mugezi, aye owundi nga musirusiru.
Omucaala ow'omusaadha omusirusiru yali mugezi. Omucaala ow'omusaadha omugezi yali musirusiru.

Bwebaali nga balikunhumya, omusaadha omugezi yaakoba ati, "Mucaalawo mugezi, aye ate ighe oli musiru. Mucaala ghange yeena musiru, era musobola okugemagana."

Omusaadha omusiru n'okubuuza ati,"KUnze ni ighe, ani akasinze busieu? era yaakoba, "Ndimugezi nga ighe."

Mu maiso g'omulamuzi, omusaadha omugezi yaabuuza, "Munheenhie imeka edhiri mu bwengula? Ghagati gh'ensi yoonayoona nigha? iramu ebibuuzo byombiriiri, obanga ty'ekyo tughaaniseganiemu abacaala." Omulamuzi yaagha omusaadha omusirusiru ebiseera aire n'eby'okwiramu.

Obwire bulala, omusaadha omusiru yali alikubala emunheenhie, nga atyaime kwibaati ly'enhumba ye."Olikukola ki?" Mucaala ghe n'okumubuuza.

Yairamu ati, "Mukagwa ghange yambuuziiza emunheenhie imeka edhiri mu bwengula, Ni ghagati gh'ensi yoonayoona ghegali. Buti ndikubala munheenhie."

"Tiweraliikirira, ndhakukukobera eby'okwiramu," Mucaalaghe n'okukoba.Yaagha iba kutiya y'obusigo. Yaamukoba, "Bwebakubuuza emunheenhie edhiri mu bwengula, bakobe, n'endhala edho nga obusigo obuli mu kutiya.

Yaamugha omuti yaamikoba ati, "Bwebakubuuza ghagati gh'ensi gheghaaganibwa, simba omuti mwitakaomale obakobe nti agho ni ghagati gh'ensi. Bwebadheema, bakobe beene bagyepimire."

Omusaadha omusiru yaatuuka n'amagezi ga mucaala ghe. Yaasooka yairamu ati, "Obungi bwa munheenhie n'obulala n'obungi bw'obusigo obuli mu kutiya eno." Yaasimba omuti mwitaka yaakoba ati, "ghano ni ghagati gh'ensi yoonayoona."

Omulamuzi yeewuunia yaamala yaabuuza, "Ani eyakukobeire?" omusaadha omusiru n'okukoba ati, "Mucaala ghange." Omulamuzi n'okweyongerayo yaakoba ati, "Mucaala wo mugezi ino, n'olw'ekyo, oghanga okuba omusaadha omugezi.Mwidha kughaanisaganiamu abacaala." Awo omulamuzi yaatagho enteekateeka ey'okughaanisa abacaala baibwe.

Omusaadha omusiru yaakoba mucaalaghe, "Nasinze,aye omulamuzi yankobye ati olimugezi inho, tosaaniire kuba ni nze." Mucaalaghe n'okumwiramu ati, "Tigheeraliikirira n'ekyo ndi n'eky'okukikolera."

Ekiseera kyaatuuka eky'mulamuzi okughaanhisa abacaala. Omucaala omugezi yaatonera omulamuzi entamu ey'emere ng'ekirabo. Omulamuzi bweyasandukula entamu, yaabona enkoko entalike nga eriku n'amooya gaaku goonagoona! Mu kyezindu, yaakoba, "Ee nkibona, asaaniire abe abe niiba omusiru!"