Eira inho ghaliwo omukazi omukaire eyali nga mulimi mulungi.

Mughalaghe yali yafumbirwa omusaadha eyali aghangalira ebutuuma mwiga.

Omukazi omukaire yata muwogo, ebidhandhaali ne biira mukaibo. Yali alikubitwalira mughalaghe n'omuko.

Bwali amaze okusomoka omwiga, eiroboozi eigeni lya yasiikana,"Ta ghansi akaibo ko!"

Eiroboozi lyairamu,"Ni nze kyabazinga ghe kibira. Ndwaza abantu omusudha ni munda. Mbatengeza era badhugumira."

Olwentiisa, omukazi omukaire yasuula akaibo era yalumuka.

Bweyatuuka ebuko, yaghayiira ku mukoirume ghe ku eiroboozi erimutisiisa.

Omuko yamukoba," Olundi lwonaidha okutucalira, toola ogwibo ogunene era oteemu embwa yo."

Nga ghabisewo ewiki, omukazi omukaire yatoola ogwibo ogunene nga aja okucalira mughalaghe n'omuko.

Bwamaala okusala omwiga, eiroboozi erala eryo lyakoba,"Ta ghansi ekiibo! Ni nze kyabazinga ghe kibira. Ndwaza abantu omusuudha ni munda. Mbatengeeza era badhugumira!"

Yata ghansi ekiibo,yeyuuna okulingezayo okubona kiki ekituseewo.

Embwa enkambwe yatuuma mu kiibo nga Wakayima aidye okusandhukula ku atwale ebirimu.

Awo ghe nabalekeranga nga embwa eise Wakiyima.