Parma yali mulenzi mughanvu, mutono ng'ali mw'idaala lya kusatu. Yayendanga okuvaala Kabuuti endeeyi endhirugavu Dhaadhaa we ye yamugha.

Mu kiseera eky'eigandaalo, Parna yalabiriranga ente dh'abazaire be.

Lwali lulala, nga Parna bwe yali alikulabirira ente, amaadhi g'atandiika okugwa.

Mu kiseera ekyo, ente ya Ise y'asinga okwenda, Kairugavu, yazaala. Akanhana kaali nga n'akasinga bulungi Parma kaatabonangaku.

Parna yali musanhufu okulabirira Kairugavu n'akanhana, yerabira ente edhisigairegho.

Y'aloghooza,"Baaba y'ansuubiza okumpa akanhana bwe kaba akakazi."

Bwe yali ali kuloota musana, omukono ogw'amaani gwa musitula. Parna yabona Dhaadhaawe Teteyo me yaidhukira,"Dhaadha, ente dhiri gha?"

Dhaadha Teteyo yairamu,"Mama wo ayagaine ente dhonadhona mu Kigo, okutoolaku Kairugavu, niiwe. Atiire era n'okuntuma ndidhe nkunone."

Parna ng'asamalirire, yakobera Dhaadhawe nga Kairugavu bwezaire akanhana akalungi. Dhaadha Teteyo yakoba,"Ndidha kutwala akanhana Iwe ni Kairugavu munonereze."

Buli muntu yali musanhufu okubona Parna, Kairugavu n'akanhana nga bali miraala.

Parna yabuuza Ise,"Onandikiriza n'afuna akate nga bwe wasuubiza?"

"Ii, Mutabane wange, Koonakoona kako. Ekisuubizo kisuubizo."