Agho olwatuuka, wampala ni Wakadaada baali nga bamukwano. Baagabanamu ekisibo eky'embuzi. Nga badhitwala mu ngobo ngobo okuja okudhaaya.

Aye Wampala yali nga taidhi kwaya bukalamu. Bwe yatwala embuzi, dhaira nga dhoonadhoona nga dhiri ndhala.

Wakadaada nga ye yejiira ni maama we. Maama wa Wakadaada yaniina ku muti yaatoolayo amakoola. Yaasuulira embuzi edhiri ghansi era dhaaba nsanhufu nga dhiri kulya.

Lwali lulala, Wampala yaakoba Wakadaada, "bwotwala embuzi, dhiira nga dhigwite aye nze bwe ndhitwala, dhiira nga endhala eri ku dhiruma lwaki kiba kityo?" Wakadaada yaasonka ku kyuma ekyali okumpi n'omuliro.

Wakadaada yaakoba, "Nsiba ekyuma ku mikira egy'embuzi. Dhaatisibwa, dhaalumuka nga dhetooloola okunoonia emere. Aye bwo dhitwala, dhiba ngayaavu inho era dhaaba mu kifo kirala. Eyo n'ensonga lwaki tidhifuna mmere edhimala."

Wampala yali n'obusungu. "Wakadaada ono omusiru tali kunkobera kituufu," yaadhuuba. "Alikunseka buseke. Ndha kumunonereza olwaidho mbone."

Olunaku olundi, Wampala yanonereza Wakadaada aye yakola ekisoboka okubona nga tasobola kumubona. Era yaliku ghala ku Wakadaada.

Wakadaada yaayemerera mu muti yaayeta maama we, "maama! idha onhambe! ndhina okunoonekeza embuzi eky'okulya!" Agho maama we yaatandiika okuyamba omwana we. Yaatandiika okusuula amakoola.

"Kibone ekyo!" Wampala bweyakoba. "Maama we naamuyamba. Ezira na kyuma kyonakyona kyakolesa naire." Alowooza nze ndi musiru. Ayenze kunkema kale zeena ndha kumulaga!"

Olunaku olundi, gwali mulundi gwa Wampala okutwala embuzi ku nsiko. Yaabitira mu muti yaayeta, "maama! idha onhambe! Ndina okufunira embuzi eky'okulya." Maama gha Wakadaada yaika okuva ku muti era Wampala yaamwita.

Olunaku olundi, gwali mulundi gwa Wakadaada era. Yaatwala embuzi adhirikize era yaayeta, "maama idha onhambe ndina okufunira embuzi eky'okulya." Wakadaada yairamu omulundi ogundi. "Oligha?"

Wakadaada yaasuusuubya ekituufu era yaatandiika okulira. "oo, maama," Yaalira. "Olimufu. Yali Wampala ne yakwita?" Wakadaada yalira dhoonadhoona okutuusa amaisoge bwegaafuuka aga kasaayi.

Olwaigulo, Wakadaada yaizaayo embuzi eka. "Buzibu ki, Wakadaada?" Wampala yaabuuza. "Lwaki amisogo ga kasaayi?" Ndagaine omusawo olwaleero,"Wakadaada yairamu. "Ampaire obulezi okuta ku maiso gange n'obundi mbu nja kufuuka munene era mbe n'amaanhi.

Wampala yaakoba, "Mpaaku zeena ku bulezi obwo. Osobola okumpaku obundi?" Nsobola, "Wakadaada yairamu". Kale mpaaku buti buti obulezi obwo," Wampala yaamukoba. Yaalambaala ghansi yaatungula amaiso."

Wakadaada yaata amabaale mu muliro gaafuuka masu bulungi.

Yaagata ku maiso ga Wampala. "Gatwale ku luya!" Wampala yaasinda. "Mpa amaiso gange!" Wampala yali nga alekaire okubona. "Ndha kukugha amaisogo singa weena ompa maama wange,"Wakadaada yairamu n'amaanhi.