Eyo yaliyo omusaadha ne eikukuubira lye ebyayo. Ya yayanga embuzi, engamiya, ente ne endogoyi. Nga yabayiza omukazi omulangaadhu.

Okumalaku entangama, omusaadha ni mukazighe tibaali na mwana. Obwoomukazi ya zaala omwana omughala aboneka obulungi. Bamutuuma eriina Kalungi. Omusaadha yaasanhu ya funa amalala.

Omukazi yali ne ebyokukola kamaala. Yaleka akaana konka mu ntindhi yaaja okukama ente. Eibuga lya akaana erya amata lyona lyali mu ntindhi.

Akaana bwe kaali konka mu ntindhi, Nga ayinza okughanguka. Anwa amata gona gona, yainhama okulira. Inhina aira eka okumwonsa.

Omukazi yayagananga eibuga lyereere. kino kya kyeghunisa! ani anweire amata?

Omukazi yainhongolaku iba ekizibu kino. Omusaadha yaasalagho okunhonhenkereza ekyatuuka ku mata.

Omusaadha yekweka mu ntindhi mukazighe nga azilagho. Ekya mumala enviiri ku mutwe, akaana ka situka kaanwa amata! kyali tikiikirizikika.

Omusaadha yaakoberaku mukazighe kye yabona baikaania okuvaagho. Basimbuka bwire nga akaana ka tendwike. Baaleka amaka gaibwe.

Ate era, akaana ake eirogo kaasuulibwa abazaire baako. Ba kalekera embuzi, ente ne endogoyi. Kalungi bwa asituka, yayagaana oluya lugholerevu. Yaligho yenka.

Yaghulira obunhiivu. Yaita embuzi ne endogoyi. Atyo yaasalagho yeekweke mu mmunda ye ente.

Ente ya Kalungi bwe yali erkulya eisubi, omusaadha ya gibitaku. Yaakoba, ''Ndha kusala ente eno nfune e mmamba.'' Yaagifumita eifumo.

Omusaadha ono bwe yali ali kubaaga ente, ya ghulira eiroboozi nga likoba, ''Tontusaaku bulabe, ndi mu mabunda ga nte!''

Kalungi agho yaswankula omutwe gwo omusaadha. Omusaadha mu kutya yaalumuka. Yaaleka ente.

Omusaadha bwa atuuka eka, yaabaaga ogutaama ogulume ogusavu. Yaafumba e mmamba akaana akeirogo.

kalungi yalya yaasanhuka. Akaana akeirogo kaabulagho mu bwire.