Kawuudha ni Nabirye baaja ku mwiga okunona amaadhi.

Nga bairayo eghaibwe, baawuumuliraku ku mabaale ge baayagaana.

Kawuudha yaayenda okusituka eireyo eka. Aye yalemera kugubaale. Nabirye yaalumuka dha mbwa okuja okweta maama we.

Maama we bweyatuuka kugubaale, yayagaana Kawuudha nga kituufu alaliire kugubaale.

"Ndha kukutaaku olusito okukuuma nga ebisolo eby'omunsiko obutakulya," Maama yakoba Kawuudha.

Agho, yaakola olusito era yaalulekaku omulyango mulala gwonka gwa naingirirangamu.

Agho maama yaakoba Kawuudha, "Bwe naakuleteranga emere, ndha kwemba nga akembo ondhigulirengawo." Era yaakoba, "Toigulirangawo muntu yeenayeena gwo taidiku." Nga buli bwaja, ayemba akembo. Kawuudha yaamwigulirangawo era yaafuna eky'okulya.

Wampiti yali nga yeekwese era ali kuwulirisa bukalamu. Yeetegereza nga maama we amuletaire emere.

Wampiti yagezaaku okukopera amaloboozi ga maama wa Kawuudha. Yeegezaamu ku.

Ba Wansolo abandi baakoba Wampiti alye ensoghera amaloboozi ge gatereere asobole okwemba bukalamu. Wampiti yaakola ekyo era yaaja okwemba aye olwigi tirwaiguka.

Olundi, yaalya ensoghera edhindi edhaali okumpi ni ghe yali era yaaja nga ayemba. Aye olwigi tirwaigula. Kunkomerero yaafuna ensoghera edhindi okuvaaku akata ni ghe yali.

N'amaloboozi ago, yairayo nga ayemba. Olwigi lwaigula, era yaalya Kawuudha.

Maama we ghe yaira omulundi ogundi, yaayemba!, yaayemba!. Aye nga ezira kirigho. Agho yaayeta Bawansolo boonaboona yaakuma n'omuliro. Yaadhikoba ati Wansolo aliire Kawuudha aja kugwa mu muliro era gumwoce," bwe yakoba.

Dhoonadhoona dhabuuka bukalamu omuliro. Aye Wakibe ni Wampiti baalemererwa.

Wakibe yabuuka omuliro gwa mwoca omukira. Yaalira olw'obulumi. Mu kusembayo, Wampiti yaidha era yaatuuma yaagwa mu muliro.

Ba wansolo boonaboona baayemba bati Wampiti ne yalya Kawuudha.