Eira einho,Magezi ni kunya nga bagabana ebyokulya.

Magezi yakoba,"Tulimire ghalala nga bwetukikola mu kulya."

Magezi yaakoba Kunya,"Ighe lima nze ndhakusimba."

Magezi yakooba Kunya,"Ighe simba nze ndha kudhuba."

Nga obulo bwenze, Kunya yasaba Magezi okubukesa.

Magezi yaakoba,"Ighe kesa, nze ndhakubuta mu kyagi."

Magezi yali mugayavu.
kulwe ekyo Kunya yaamugha entole ya akalo ndala yonka

Magezi yatwala entole yakalo eyo.
Yayagana enkoko.

Yaagha Magezi eigi.

Magezi yayagana abaana.
Bamenha eigi.

Abaana baamugha omuyembe.

Magezi yayagana enkusu.
Enkusu yalya omuyembe era yamugha eiviiri.

Enhandha yatwala eiviiri,era yamughaku amaadhi.

Magezi yakozesa amaadhi okuziikirisa abamanda omuliiro.

Abatemi bamanda bamugha empasa.

Magezi yayagana abakindhagi.
Baamenhamu empasa.

Magezi yafuna omutwe gwe ente enhume no omukira.
Bona Magezi kyeyakola!

Yayasikana,"Ente yakyabazinga eraliire mubityanka!"

Abantu mwidhe tuyambe.
"Musikule omukiira no omutwe,"Magezi bweyakoba.

Magezi yakoba abantu,"Mumpe ente dhaimwe ndhighe kyabazinga."