Wakayima ni Wankembo bali bamukwano. Bakolera nga ghalala buli kintu.

Lwali lulala Wakayima yakoba, ''Leka tugye tunonie emere.'' Wankembo yaikiriza anga taidhi kimulindirire!

Bagya munimiro munimiro yamuntu batandiika okulya duuma. Wakayima yali nensalwa olwo omukira gwa Wankembo okuba omughanvu. Yategeka okusiruwaza Wankembo.

Wakayima yakobera mwene duuma ati, "Wankembo alikwidha kulya dhuuma gho olwalero. Mwegerese eisomo!''

Bwebali balikutema duuma, Wakayika yekweka yayasikana, ''Omwibi! Omwibi! balikutema balikutema duuma gho!'' Olwamala, yavagho. Wankembo tiyamanha kirigho.

Amangu ago mwene duuma weyatukira yayagaana Wankembo alikugezaaku kulumuka. Yali akali kuwerayo bagema mukira.

Bamukubirira enduulu, ''Yemerera! yemerera! oliire ihno duuma ghaife okumala ekiseera. ''Wankembo yeyongerangayo bweyongere ang aloghoza alikubulagho.

Mwene duuma yamugema yatandiika okumukuba. Wankembo yekalangula nga kulumuka aye nga talikusobola naire.

Wankembo obulumi bwokumutemaku omukira yabwisa wale. Yegaiyirira ati muleke mbakobere tubaire munange Wakayima. Era nze nankobye ati idha tugye, eno ''bwalira.

Tibaghulisa Wankembo. oghundi yatwaala ekiso ekyogi yakoba ati, ''Luno nolunaku lwetulindira nga! Twidha kubasomesa eisomo!'' Yasala ku Wankembo omukira. Wakayima yabona webaguswire yagutolagho yagukweka.

Olwamala mwene duuma yagolola, Wankembo yalumuka kweka olwo bukube bwemigo. Nga ebyo biryagho, Wakayima yatwala omukira gwa Wankembo yagufumba. Yakoba anti ndhidha kweta Wankembo ku comusana, ''eno bwaseka.

Nga bamaze okulya, Wankembo yakoba, ''Webale munage okufumba emere eghomye eti. ''Wakayima yabuuza Wankembo ati omanie kyova okulya? Wankembo yakoba ati busa.''

Wakayima yaakoba. ''Eyo mere eghomye etyo gy'ova okulya nogwali omukira gwo. Olwamukobere atyo yalumukagho. Okuva kwolwo tibakali mamukwano buli muntu muzigu wamwiine.