Emwanhi muti ogubaku ebibala. Ebibala bino maghondo. Mumaghondo mulimu ensigo. ensigo edho n'empeke dhe mwanhi.

Eriyo enfumo kamala edhogera kungeri emwanhi ye dhavumbulwamu. Olundi kwedho n'olwa Kaldi mwighanga lya Ethiopia.

Kaldi yali mwayi muto mu'nsi y'Ethiopia.

Lwali lulala embuzi dhe dhalya amaghondo aga' kasayi okuva ku'muti gwe'mwanhi Kaldi yabona nga dhitandiise okutuumatuuma bw'edhetoolola.

Kaldi yali nekinoonereze okumanha obanga amaghondo nagaleitere embuzi okufuna amanhi. Yanhanha kukibala. Ekibala kyali kyakairira!

Oluvanhuma,Kaldi yatandiika okwewulira mule nga aidwire amaani.

Yanogaku ebibala ebye'mwahni yabitwala eka.

Yaghaku mukaziwe ebibala bino.

Mukaziwe yanhanha ebibala bino era yena yawulira n'ekirala nga ekyali ku Kaldi.

Kaldi ni'mukaziwe baloghoza nga kino kirabo kiviire ye'Musengwa.

Ennaku bwedhabitagho, Kaldi yatwalaku ebibala na' makaba okuva kumuti gwe'mwahni ku'kigo ekyali kumpi na maka gabwe.

Kaldi yakobera ba kabona olufumo nga bwerwali, era yava mu kigo.

Bakabona banonereza Kaldi mu'kyama bekebedhe nga kyabakobye kyitufu.

Bakabona babona nga byonabyona Kaldi byabakobye bitufu.Embuzi nga dhiri mu'mbeera ya kuzanha.

Bwebairayo mukigo, bakabona bakoba banabwe okufumba ku bibala byemwahni.

Bakabona bwebanwa ku kibala ekyemwani ekyifumbe, obuka bwali bweyongeiremu inho! Baloghoza nga ekyokunwa kyino kya sitani.

Basuula ebyasigalagho mu'muliro. Mpolampola, akalekereke akalungi katandiika okuva mu'muliro.

Endowooza yabaidhamu okusooka bakalangeku male bafumbe ebibala bino.

Bwebanwa okyokunwa kino ekyakawoowo, batandiika okwewulira nga bali namani.

Okuva olwo abantu batandiika okunwa emwahni enfumbe okusigala nga tibaghongera.

Okunwa emwahni kwatandikra mu'Ethiopia kwasansana mu'nsi yoonayoona.