Ghaligho lulala omukazi omukaire eyalinga yenka nga aba mu'thupa. Yemulugunianga buli kiseera.

Lunaku lulala omuzirakisa yabita ghamakaage yamubona nga munakughavu inho.

Omuzirakisa yayemerera yamubuza,"Kizibuki? Lwaki onakughaire?"

"Netamwa okuba mu'thupa," omukaire yairamu.

Omuzirakisa yamukoba, "Yemerera, kuba mu'ngalo e'mirundi e'biri, omale ocuuke wetolole e'mirundi esati",

Bweyamala okukola kyebamukoba, omukazi omukaire yeyagana nga ali mu'kasisira.

Ghabitagho enaku ntono omuzirakisa yaila era yamwagana nga timusanhufu.

Omuzirakisa yamubuza,"Kabiriki? Lwaki olimunakughavu?"

"Akasisira katono inho.Tikenda," omukaire yairamu.

Omuzirakisa yamukoba,"Yemerera, kuba mu'ngalo e'mirundi e'biri era ocuuke wetolole emirundi esatu.

Bwemala okukola kyebamukobo, omukazi omukaire yeyagana nga ali mu'nhumba ennene.

Omuzirakisa yaira okubona omukazi omukaire. Yamwagana nga era timusanhufu nga yenhikaire.

Omuzirakisa yamubuza, "Kabiriki omukaire?" Omukaire yairamu, "Ennhumba eno nzibirivu era nnhaga".

Omuzirakisa yamukoba,"Yemerera, kuba mu'ngalo e'mirundi e'biri, ocuuke wetolole emirundi esatu".

Bweyamala okukola kyebamukoba, omukazi omukaire yeyagana nga aizeyo mu'thupa munda.

Omukazi omukaire tiyasobola kubona nkabi dheyali afunie. Yakomenkereza nga ali mu'thupa, yenka era nga munakughavu.