Ooh! Kabiri buceire. Maama ghange ali ku tutegekeera ekyenco. Bbaabba ali kwetegeka kuja ku mulimo. Bake bange ni nze tukaali mu buliri gheire nga tuli kumoga.

Biseera byakukola. Bbaabba tali kwisa mukono wakolera. Bbaabba nakulira abakozi abazimbi ate era mukugu. Bulidho akoba ati ayenda inho omulimo gwe. Bona abokozi abambaire ebikofiira bya kyenvu era na mataawo ga kiragala.

Nze ni bake bange tuli kuzaanha. Biseera byeife bya idhembe era maama atwikiriza okuzaanha buli lwetuba obwerere. Ebiseera ebindi, batuteeraku ladiyo twasinganhwa ku okukina.

Buti bino biseera bya igulo era abazaire baife baize ghaka. Bbaabba gha aboneka nga mukoowu ne mirimo gyo lunaku. Basanhufu otwagaana nga tuli bakalamu ghaka.

Leero lwa Saasira. Tuli kuja twena twena mu Iwongero. Nze ni bake bange tu boneka bulungi. Bbaabba ali ku tuvuuga mu motoka ye. Mulugendo lwaife nga tuja ku iwongero, tuba nebitunhoonha era tuseka ngira yoona yoona. Nga tumaze okuwonga, twira eka.

Leero Lwabbalaza. Tuli kwetegeka kuja ku isomero. Nga tumaze ekyenco, tutambula okuja ku isomero. Idhuma alikutambula mpola aye ife tuli nokwanguwa tikulwa nga batukuba.

Lino ne isomero lyaife. Balyeta Budini Pulaimale. Omusomesa ghange bamweta Mukulu Wabola. Atusomesa sayaansi, Okubala, Ebyembeera yensi no Lungereza.

Kiseera kya kuwola, nze mi kwano gyange tuli mu kisaawe kuzaanha. Tuli kuzaanha mupiira. Endhuba erkwaka inho mu bireri. Erikwaka inho era tuli kutuyaana nga bwetuzaanha.

Tuli mulugendo lwaife nga twirayo eka okuva ku isomero. Muke ghange alikuzaanha omupiira omuluke. Eriyo dhegedhe ikumi de nawoonia wo olwa Saasira olwabita era mbitira ku kadaala ghe batundiira naagula yo akaswiti. Nnhenda inho switi.

Olwomukaaga olwairirira, bbaabba atutwala ku ikumiiro lye bisolo. Lwafuuka lunaku lwandhawulo inho yetuli engeri twasagambira yo. Twaboona empologoma, Endhaza, Etwiga, Enangaazi era ne Empiti.