Document

Omukazi omuluvu (Colour-in)

Alungho Rose

Abraham Muzee

Eira einho, ghaaligho omusaadha ng'ayetebwa Kato.Yali mu kibuga kabuusu.Yali n'embwaye mu kayumba akatono.

1

Lwali lunaku lulala, Kato y'aba mulwaire inho. Tiyali na muntu yenayena ku muyamba. Bwe yaisuuka, yasalagho okubaiza omukazi eyali okumpi agho.

2

Yayeta bakagwa be n'abekika kye, okubaagho ku mukolo ogw'okubaiza. Kato yali musaamaavu inho kubanga yadhuuba nti alikuja kufuna omuyambi.

3

Ebintu bingi by'aleterwa omulya ni mukagwa we. Bino byali biibo bya bulo, emikeeka, amatooke, amaido, n'ebirabo ebindi eby'amaka.

4

Omukolo ogw'okubaiza olwawa, abageni bonabona bairayo mu maka gaabwe.Kato yali mwetegefu okutandika n'omulya n'embwa ye.

5

Olunaku olwairirira, Kato yagabula omulya we amenvu, aye yaloba okugalya.

6

Kato bwe yaja okuiiga, omulya yalya amenvu gonagona.

7

Kato y'aira okuva mu kuiiga ng'endhala eri kumuluma. Y'asaba amenvu. Mukenkedewe yakoba ati embwa egaaliire gonagona!

8

Olunaku olwairaku, Kato yaja ku nimiro ye.Bwe yaira eka, yayagaana nga omulyawe aliire emamba yonayona. Tiyaghaaku waire na mbwa.

9

Olunaku olundi,Kato yaja yagenighalaku ye mukagwawe bwe yaira, omulyawe ng'aliire amaido gonagona. Ekiibo kyali ky'erere. Kato yanakughalira omulyawe omuyaka.

10

Kato yadhhuba,"Ghaligho ekikyamu ku mukazi ono."Y'asalagho okukozesa eirogo. Yata amata mu kasugha akadaagedaage kaaku, yakata mu kunkuliisi yaja okuiiga.

11

Omulya yabona akasugha,nga kaali kaidhuvu k'amata. Amangu ago, y'asitula akasugha yakata ku munwa. Yanwa amata gonagona ng'embwa emulingiriire.

12

Eky'omukisa omubi, akasugha kaalemera ku munwa gwe. Yagezaaku okuketoolaku aye nga busa. Yalekaana, yatumira ghaigulu ni ghansi. Aye akasugha kaasigala nga kegemeireku. Embwa yalingirira bino byonabyona.

13

Agho embwa y'alumuka okunoonia Kato. Embwa yasama yasama, yatuumira ghaigulu ni ghansi.Kato yakizuula nga ghaligho ekikyamu eka.

14

Baalumuka bairayo eka. Kato yasamaalirira inho okagaana omulyawe ng'akasugha kamweripiire ku munwa. Yamulungirira yewunia.

15

Kato y'agema kw'itama lya mukagwa we akasugha kaagwa ghansi amangu ago. Omulya yaswaala inho. Y'asalagho kwirayo ka y'abazaire be.

16

You are free to download, copy, translate or adapt this story and use the illustrations as long as you attribute in the following way:

Omukazi omuluvu (Colour-in)

Author - Alungho Rose, Annet Ssebaggala
Translation - Bakali Kasolo, Kyambogo University
Illustration - Abraham Muzee
Language - Lusoga
Level - First paragraphs