Akaali bwe yali nga akaali kaghala kato, Inhina yateranga ku mu keeka omulungi einho. Songa gha Akaali ne eyaguluka mu nsansa.

Omukeeka gwali mu langi ya pinki amesunkana, bbululu ni kiragala. Gwali gwandhawulo ku mikeeka egindi egyali mu ndhu ya maama Akaali.

Eitaka okwetoolola amaka ga ba Akaali lyali ikalu inho, isu eryaidhula amabaale. Mwalimu ensagiisagi kamaala, nabbumbbuli ne emisota. Aye Akaali tiyagwaku mu katyabaga ka kulumibwa bitonde bino bya busagwa.

Inhina yakoba, ''omukeeka gwe ogutaaganika gukugira Akaali obuta kosebwa.''

Akaali yali mwana mudhagudhagu. Yavumbula ensulo entontono eyokumpikumpi.

Akaali era yali aidhi na akasiisira ka dhaadha ghe omukazi ghe kaabanga. Yagyanga ni dhaadha ghe omukazi okunwa amata ge endogoyi.

Lwali lulala, Akaali tiyali na mukisa. yainhama okuja mu kasiisira ka dhaadha ghe, ya bulira mu nsozi. Akaali ye kanga.

Yatyama mu muti omu gholerevu ya linda obuyambi. Mangu ago ya ghongera ya loota.

Kino Akaali kyeyaloota. Nga atendwike ku mukeeka gwe. Omukazi afaanana ni dhaadha ghe omukazi nga amulingiriire. Omukazi omukaile ya mwenha era ya mugha ekidoome kya amata ge endogoyi. Akaali bwe yagolola omukono okugema amata, ya ghagamuka.

Akaali ya moga amaiso ge mpolampola. Bwe yalinga ghaigulu, yabona akanhonhi ka bbululu akasirikitu ku lusaga lwo omuti ghaigulu we.

Akaali bwe yebeedha, akanhonhi ka bbulul akasirikitu ka bbuluka okulagirira Akaali engira. Yanhonhereza akanhonhi.

Akaali yayuuka mu maaganana. Akanhonhi ka bbululu ka lekula akakutu ko omukeeka akafaanana nga omukeeka gwa Akaali.

Okulonda akakutu ko omukeeka, yabona oluje lwe ebigere bwe yamanha nga bya inhina. Agho yaabona akadiba akatono ke bagyangamu amaadhi.

Abo omumaka ga ba Akaali baayemba era baakina okumusangaaza eka. Baasala embuzi, ba talika e mmamba era ba dhaguza olwo omwana ghaibwe okwira okwira nga mulamu.

Akaali yatyama ku mukeeka gwe ogutaaganika ya ghomerwa ogunofu gwe ogwe e mmamba endhokye.