Jaaka omuyala yali alikuyiiga.

Yaabinga empube.
Empube yeegisa ghansi gheibaale.

Jaaka yasima.
Eibaale lyamugwa ku mikono.

Wakaima yaawulira nga Jaaka alikweta.
Yaalumuka okubona ekibairewo.

Wakaima yaikiriza okuyamba Jaaka.
Jaaka yaasuubiza okugha wakaima emere.

Wakaima yasindika eibaale.
Lyaava ku mikono gya Jaaka.

Waikaima yaasaba empeeraye.
Jaaka yaatiisatiisa okulya wakaima.

Jaaka ni wakaima baafuna omusaadha omuzeeyi asale omusango gwaibwe.

Jaaka yaatiisatiisa okulya n'omusaadha omukaire yeena.

Omusaadha yaakoba, "Kambone eibaale eryo meeni nsale omusango."

Jaaka ni wakaima baatwala omusaadha eri eibaale.

Jaaka yainhonhola eibaale bwerimugwireku.

Omusaadha yaakoba wakaima alage engeri eibaale bwalisindiike.

Eibaale lyaira ku mikono gya Jaaka.

Omusaadha yaakoba,"Awo kale. Ife tije."

Omusaadha ni wakaima baaja.
Jaaka baamuleka nga eibaale limugemye.