Ghaaligho omusaadha omugaiga eyanoonhia omukazi okumala ekiseera. bweyafumbiza, yakola omukolo omunene inho n'abakaire gwebasanhukira, nibagugha omukisa.

Nga ghabiseegho emyaka mingiku nga bali mubufumbo, omusaadha n'omukazi baatandiika okweghuunhia kuba baali baziraku mwana. Omukazi yasaba okufuna omwana emirundi n'emirundi. Aye era yali tafunanga mabunda.

Lwali lulala,nga akooye okulindirira, yaakoba ati, "Emisambwa, bwemumpa omwana, ndhaabakolera ekitambaalo ekirungi einho." omwezi ogweiririra,yatoola enda era yaakola ekitambaalo kyeyali yasuubiza.

Omukazi yazaala omwana mulenzi. buli muntu yamusanhukira. Yaayenda okugha emisambwa ekitambaalo aye nga yali taidhi gha kugyagaana. kale yaakyalira omukaire amughe kumagezi.

Omukaire yaakoba ati, "okubona emisambwa, ja kumpi ni kaniisa ogya kwagaanagho abasaadha babiri nga beemeraire emberi w'omusaadha omugezi. Bano ababiri babaire bali kulwana. Omulala kubano adheemye okunhiigulukuka n'asigala n'obusungu n'omusambwa! mugoberere era omughe ekitambaalo kino."

Omukazi yaaja kumpi ni kanisa. Yaabona abasaadha babiri nga beemeraire emberi gh'omusaadha omugezi. Omusaadha omugezi yaakoba ati, "Kimala! kino n'ekiseera okusonhighagana okuva ku mitima gyaife." Omusaadha mulala yaafukamira ghansi okusaba ekisonhigho. Oghundi yaadheema era yaatambula yaavaagho.

Omukazi yaamwetaati, "lindaku! ndhi n'ekintu kyo." yaamugha ekitambaalo. Omusaadha omunhiivu yaabuuza ati, "kiki kino?" Omukazi yairamu ati, "kirabo kyo." Aye omusaadha yairamu ati, "Tiri kumanha lwaki olikumpa ekirabo kino."

Omukazi yaamufumira olufumo. yaakoba ati, "niighe omusaadha adheemye okusaba ekisonhigho. Ekyo kitegeeza nti niighe omusambwa." Yaagolola omukono gwe okumugha ekitambaalo.

Omusaadha yalumuka yairayo kukanhisa. yaafukamira mumaiso ag'omusasdha ole oghundi yaamukoba ati, "nkusonhiighe. Gheena nsonhigha." Omusaadha yeena yaafukamira. beegwidhagana mubifuba.

Omukazi yeeyongera okunoonhia omusambwa. Fuba inho ekitambaalo kitaba kikyo!