Yaliyo omusaadha omukombe ayenga mukumpania nga ni Mudhoola. Yapangisa abantu abaakola einho ayenga tabasasula nkemba dhaibwe.

Dawudi yali gha myaka ikumi na mulala. Yaja ye Mudhola okumusaba omuliimo aghange okugulira dhaadawe obulezi. Mudhola yaamupangisa okwaya ebisolo bye.

Kunkomerero yo omwezi, Dawudi yaajayo okumusasula enkembaye. Mudhoola omukumpania yamukoba ati, "Irayo eka oidha kwira idho nkusasule."

Munco inho Dawudi yairayo egha Mudhoola ne eisuubi lingi okusasulwa. "Lwaki! oli musomi? Lwaki opulika otyo? Lino isomero?"

Mudhoola yatolagho Dawudi okuva mubapakasi baine. Yamukoba ati, "Njakukusasula singa ondetera ghano ebibbokesi ebyo omuzinga."

Dawudi yaloghoza, "Kyendikwenda mpiya dhakufunira dhaada bulezi." Yalumuka mukibira era yategayo ebiyumba bibiri ebyenduki okwingiramu.

Nga Dawudi akaloghooza eky'okukolera Mudhoola, akasota akailugavu kaingira mukibbokesi ekindi nga aye taidhi. Nga bighoire, Dawudi yasembagho ebiyumba era yavayo.

Dawudi yamughaku ekibbokesi kilala nga asuubira nti aidha kusasulwa. Nga amaze okukilozaku Mudhoola yaakoba, "Ndetera ekindi era ndakusasula." Dawudi yalumuka okukireta.

Dawudi yaaleeta ekibbokesi ekyokubiri.Yakigha Mudhoola yaamukoba ati, "Ekindi kikino kirimu omuzinga ogughooma einho nga kile. Nsasula buti."

Mudhoola yakitwala aye era mubukupya yairamu, "Tija kukusasula leero. Linda kunkomerero yo omwaka guno." Dawudi yanhiiga inho.

Mudhoola yayenda okulya ku muzinga. Yaingiza engalodhe mukibbokesi aye yaghulira ekimuluma. Yaaliira, "Kinhumye! Munhambe! Munhambe!" Omusota gwabulagho nga taguboine.

Abapakasi bonabona babulagho nga tibaidhi kituse ku musengwa ghaibwe. Ngaghabisewo akatangama, byulensi yatukiragho okutwala Mudhola muirwaliro.