Maliya alaga Zaina ebinaazi.

Maliya ayenda inho okuniina emiti egy'ebinaazi ate ye Zaina tayenda kuba mibi gya kiniina. Zaina bweyakoba.

Baasalagho okunoonia ebibala ebindi era baaja batyo bombiriri.

Maliya yaabuuza, "Tuli kujiira irala ghaigulu ku muti?" Zaina yaamwiramu, nze ntiire kuyinza okubaaku omusota.

Maliya ni mwine Zaina baniina omuti ogw'omuyembe.

Maliya yaaseka, "Kuzira misomta ku muti tujiire irala ghaigulu tufune emiyembe emirungi." Agho abaghala baaniina omuti era baajiira irala ghaigulu mu kasolya.

Maliya ni Zaina bali ghaigulu ku muti mu mirembe.

Abaghala bano bombiriiri bali ku muti balikwezaanira. Aye baawulira amaloboozi oti ga musota gati, sssssssssss.

Abaghala bano baabona omusota nga guli kwidha ye bali.

Maliya yaaleekaana. "Omusota! Kola tulumuke," Yaalira.
Maliya ni Zaina baafuna okutya inho era beerekula baagwa ghansi.

Baataaku edhalema wankudu okuleega baaja ye maama ghaibwe.

Baalumuka nga balikutya bati omusota guyinza okubamoodha, "Maama, tuyambe Ita omusota.

Maama ghaibwe yaabakobera ati, "Omusota guluma muntu atiire inho. Eriyo emisota emikambwe n'emisota egy'obusagwa."

Yaababulirira inho ku nsonga eyo.

Maama ayenda kutegeera ngeri musota gye gubaire nga gufaananamu. Maliya ni Zaina baakuba ekifaananie kyagwo era baamwinonola. Maama yaabakoba ati, "Guno omusota gulya mpube dha munhimiro kale gwo guyambaku balimi.

Agho baalekera okweralikirira era bairayo.

Zaina yaakoba ati ye buti takaatya musota gwonagwona kabiri. Yaajiira irala kumpi n'omuyembe, yaagezaaku okugutiisatiisa, "shuuuu" aye Maliya ye tayenda kutiisatiisa musota.

Agho ghe nabalekeranga nga Maliya alikutya okuja y'omusota aye nga mwine ye tatya ku gyayo.