Ekidhandhaali na manda agaaka byali nga bya mukwano. Baali bendainho okukolera ebintu byaibwe ghalala.

Lwali lulala bajaku mu lugendo. Batuuka ku mwiga. "Ani aja okubuuka omwiga?" bebuuzagaania bombi.

Ekisiki kyakoba,"Kidhandhaali, sooka oje!" Ekidhandhaali kyairamu,"Kisiki, sooka oje! Aye bombiriri baali batiire amaadhi. Mu kaseera katono, Ekisiki kya ikiriza kisoke.

Wakisiki yatandiika okulandira ku kasaga akaali kasulibwa okusala omwiga. Kibuyaga yakunta. Ekisiki kya fenfeena era kyatumbuka.

Olusaga lwameneka, era ekisiki ekiri kwaka kyagya mu mwiga. Ghaliwo keerere inhingi nga ekoba "Ssssssssss". Omwosi gwanioka kaamala okuva ku Kisiki.

Ekidhandhaali kyaseeka inho era kyayawukamu ebitundu bibiri.

Okuva no lwo, Ekisiki kifuuka kirugavu nga bakifuse ku amaadhi. Okuva lwo, Ekidhandhaali kyeyawuzamu ebitundu bibiri.