Agho olwatuuka, ghaabaagho omughala omulungi. Lwali olwo, endhala yaamuluma inho.
Yaalowooza engeri y'okufuna ekyokulya.

Yaayagaana omusaadha eyamubuuza, "Omughala omuto oli otya? Kiki ekikunakughaiza?" Omughala yaamwiramu, "Endhala endi bubi."

Omusaadha yaasaasira omughala. Yaakoba omughala ati ku muliraano eriyo embaga era aje aibeyo emere. Omughala yali taibangaku.

Omughala yaasituka mangu yaaja mu maka agaali n'embaga.

Bweyali anaatera okutuuka, yeerabira engeri yebaamulagirira okwiba. Yaayemba nga airaganamu ati:
Ndhidye kwiba mmere, e-m-e-re,
Ndi kutambula mpola, mpo-la.

Abantu baawulira olwemba lw'omughala nga akaali ghala okutuusa bweyatuuka mu maka.

Abantu beewuunia ebigambo mu lwembo era baamubuuza, "Oviira gha? Oyenda ki? Lwaki oli kwemba?"

Omughala yaabakobera engeri endhala yeyali eri kumuluma, baamugha emere.

Oluvainhuma, baamukobera bati okwiba kubi.