Buli omu yali adhi nga dadha ayendha okulekana.

Kyali kunte edho mukatale. "musindike ente dinho digye," yakoba.

"dhilikulya eiva lyange" dadha yakoba."

"Mwene nte dhino aligha?" "dhirikulya dhirikulya ebirime byange."

Omwayi, abaire yakagya kunwa madhi ku tapu ente dhe bwe ditaghukire mu katale.Yekwese nga alikutya, bwaghulire omukazi alikulekanha.

"Boona ente dhino byedhikoze!" "Dimenie ensugha dha nga enhungi."

Akaseera nga kabisegho katono, "eee! lero be!" Bamuughulire nga akoba. "Nja kusegha ensonga eno ku puulisi. Ente dhino dhibanze akatindiro kange kentaku ebibala byange."

Omwayi yavayo n'omwigo mungalo, yabulira mu bantu abali agho yasobola okubonha bulungi ente dhe ghe dhali.

Mukasera kano, ekibinda ekinene ekyabasada ekyali kilingiriire, abakazi n'abaana bonha bonha baghugularira kunte edhali dilikughulirisa
omulenzi omwayi.

Ente davamu omwasi ekyali kitwaire akasera nga dhisiriike!Datandika dhonhadhona okwogera omulundi mulala, nga dinenia abantu!

Ekibina kyeghunia era kyailayo einhuma einhuma mulala ku mulala, nga beralikire ente. Awo ente dhalekera okwogera dhalingirira ekibina mu kweghunia! Aye baaghulira dadha nga akoba, "kuvali nga ente deghunikiza mukatale kaife?"

Kyali kisera kya dadha nte kumunenia! Abakazi boonabona abali batunda bagya bayemerera ni dadha mukutya.

Ente dhanenia abakazi, nga dhogera kumbera eyeiva,nga dhikoba, "iva lyankulaki lino?Ikaire ate lirikala!"

Kyali kyeraga nti ente dhali dieikali! Dhakyuka dhalingirira ebiti bye bataku engoye dhawowegana, mukoba tulya engoye dhaimwe, ngoye ki? mukoba dhino enkanda! nani ajja odigula.

Ente dhagya kukatandiro akandi buli muntu yadiringirira namaiso ge,"ensigo dhaimwe didwire biwuka. nani ayenda okulya ebyo! tulezeku bulege kubonha oba kino kifo kilungi kya kwidangamu bulidho! ente de siimuza.

"Ate iwe maama shila," entedheyongerayo, "Mulekere okuwoweigana. Mwogera ku dinho ensugha edhatiike? ente dhakyusa emitwe dhado kunsugha dha maama shila. "Tinhungi, dhimeneka mangu inho, kale mutatunenia." Nebyo, ente dhakyuka dhagya, mpolampola nga Sabasitiano adhinonereza.