Okuva eira, engoma kibaire kivuga kyamugaso mu kiketezo kyaife. Twenda inho engoma!

Tuli n'engoma nga dha bigero byandhawulo: enene, edhaghagatigati awo n'obutono.

Tukuba engoma nga tukozesa eminholo, oba engalo.

Tukuba engoma kulw'ensonga edhendhawulo. Tukuba engoma nga kuliku enhembo n'amakina, ku binhumo era ni mubiseera eby'okunholwa.

Engoma dhiwoomesa enhembo era dhireetera abantu ekinhigiinhigi okukina. Engoma dhinhumisa emikolo.

Tukuba engoma kumikolo egy'okwandhula ni kukutuuma abaana amaina. Tukuba engoma kubinhumo eby'amakungula oba eby'eirongo.

Tukuba engoma okubika era n'okweta abantu nga ghaligho afiire.

Tukuba engoma okweta abantu okugogola ebidhiba, okutereeza engira oba okuzimbira abakaire ababa bali mu bwetaavu.

Tukuba engoma okweta abantu nga ghaligho ente edhiibiibwa ku kyalo kyaife.

Tukuba engoma okusolonga abantu baidhe mu neekobaano ew'omwami w'ekiketezo.

Engoma dheeta abantu okuja mu masinzizo ku lwa Saasira ni ku nnaku edindi edh'okusaba.

Tukuba engoma n'okuwoomya enhembo dhewemba mu masinzizo.

Engoma enene evuga eti, "Tyenda alambaire, tyenda alambaire."

Obutono bwiramu kulalakulala buti, "Aligha? Aligha?"

Awooni aghalala dhaaba ng'oti dhirikwemba.