Eira inho nga ensi ekaali nto, agasoozi gaali gamaamaire oti bulangiti era emiti emighanvu gyalengeza mu bireri.

Mu nsi eno, ghaaliwo agwina ogwidwire endikiiza, obusirikiriivu no obwinhogovu.

Ghansi mu gwina yaliyo emisota ebiri. Omusota omulala gwali nga gulimu ebikomo bikwafu inho era nga ogundi tibikwafu inho

Lwali lulala, ghabaawo omuzira mungi inho. Okughemya kwe igulu kwafumita paka ghansi mu nkiinha. Ikendi ya dhabadha okumala ku akaseera. Emisota gwa abona ensi egiri ghangulu nga eidhule amadholobera, langi yendhawulo, ekikula era ne bitonde abya amooya. Amaadhi bwe gamaala ogwa, emisota ti gyerabira bulungi bwegabwoine.

"Titusobola ku sigala ghano mu mukiina ekidwire endikiza,"bakobagana. "Tuje ghangulu tubone ebiriyo." "Tunaaba tu tya ku nsi?" omusota omutono gwabuuza. "Tunekululira ku bidhabundha byaife?"

"Ebinhoni by'omubanga tibituseke lwakuba tulighansi," mukwano gwe yamukoba. "Ti twidha kwekulula, twidha ku tambula!" Mpolampola emisota gwe zingulula. Gyatandiika okuwuuga bwejambuka paka bwejatuuka ku ngulu.

Bwejatuuka kungulu kwa amaadhi, ekintu ekyewuunia kyabaawo. Entoli gye mikira gyagyo, yeyawuulamu emirundi ebiri. Gyafuuka maguulu na bunhwe. OKuva mule munda emitwe gyameraku amakono ne ngalo.

Awo gyali tigikaali misota aye musaadha na mukazi.

"Tujakola amaka gaife mu nsozi," omukazi yakoba. "Buli kunco tujakubona endhuba nga evaayo tugiwulire ku migongo." "Twidha ku labirira eisubi ne miti," omusaadha yakoba. "Era twidha kuba ba mikwano ne binhoni ne bisolo ebindi."

"Idha,"omusaadha asooka yakoba. "Ndha kwidha," omukazi yairamu. Era batambula munis yeebwe empyaka.