Agho olwatuuka, yaaba yo lata ni batabane babiri.

Lwali lulala, yaayeta batabane yaabakoba ati, "Ndi mukaire era ndi kumpi kufa, ndi kwenda okubona nga buli mulala ali mu maka ge. Muli na mwezi mulala buli muntu nga ali na maka agage. Ndi kwenda mwire ghano oluvainhuma lwa mwezi mulala."

Batabane baalumukawo. Omulala yalumukira ku mbali okw'oluguudo. Yaatema emiti yaatandiika okuzimba.

Ow'okubiri, ghabula, yaja yaatandiika okukola omukwano n'abantu abandi. Yaaja mu maka ag'endhawulo, yaafuuka yeena omulala ku baana mu maka omwo.

Oluvainhuma olw'omwezi, ab'oluganda ababiri bairayo ye lata waibwe. Lata waibwe yaababuuza, "mumaze okuzimba endhu dhaimwe?" Bombiriri bairamu baakoba bati, "Iyi"

Yaaja kuuku ni mutabane omukulu. Yaabona nga bwe yazimba obusiisira kamaala. Buli keyajangaku, nga amubuuza, "muno muli omuntu yeenyeena?" Omulenzi nga airamu ati, "mbe"

Nga bbaabba ayinza okubuuza, "Muno mulimuuku omuntu yeenayeena?" Nga mutabane airamu ati, "mbe."

Lata we endhala yaatandiika okumuluma, aye tighaaliwo muntu yeenayeena asobola kumugha mmere.
Yaakoba, "tuje eka. Era baaja."

Ono owundi yaabatwala mu maka ge yali nga alumukiiremu. Yaabandhulayo, "Ono ni bbaabba wange ni muganda wange."
Amaka ago gaabasangaaza. Baasala ku ntaama baabagha ekiiwulo.

Baaja mu maka agandi omuto mwe yali alumukiire. Yaabandhulayo era baawebwa eby'okulya.

Baabaanhiriza mu maka boonaboona. Baalya baiguta bukalamu. Agho baamala baagolola.

Lata ghaibwe yaakoba ati, "kino kye nnali nga ndi kutegeeza nga mbakobye okukola amaka gaimwe buli muntu. Amaka gasinga obuyumba obungi oba amayumba amanene. Mukwano na bwesigwa n'abantu abandi naago amaka."