Yaliyo amaka agandi agaali n'omuti ogwali n'ebibala ebiwoma nga buli muntu eyakyalira ku luya lwaibwe oku loza ku kibala.Amaka gona galina muwana waibwe ow'obughala nga mulungi. Bantu bangi begomba embonekaye enhungi, amaiso ameru n'ekindhi,ne mboneka enkalamu ye kitone kye mwene.

Bwe yakula nga mughala mudhubudhubu,abasulube n'abasaadha abakulu begunga nga waka we okumusaba obufumbo. Abazaire basalawo nga omusaadha yenayena alityama mu luya oluna ku lwona lwona naire okulya ku kibala kyonakyona naana mufumbirwa.

Amawulire gabuna ekyalo kyona kyona.Omusaadha eyasoka okweindha eyali akulira abalimi mu kyalo. Yali musaadha mulungi, nga mukobe omuto. Baamwanhiriza ba gabula ekibala. Yatyama ku katono, aye mu kusoka einhuma, yaalya ekibala era baamusiibula.

Omukulu akuuma ebisolo n'eyali airaku.Ya musaadha mulungi,nga muto omukombe omuvundu.Omughala yamwegomba. Aye bwe bamugabula n'e bibala,mangu ago ya kiirya,era
bamusiibula.

Omusaadha airaku okwindha yalina ebibanda ebyeitaka.Yali musaadha nga azira mpiisa ate nga mubi. Omughala yasaaba mbu alye amale agolole. Bwe yamala okumugabula, yaloba okulya. Obwire obwagya, era omughala yainhama yamusaba alye. nga saawa dali inha, yaba n'obusungu, era yalya. era, yena,bamusibula.

Eyeira ku,Omukulu weisaza yaindawo.Yali nga wa mpisa mbi, mukaire, nga ate mubi. Ezira yamwenda kukyalo.Omughala yaduuba ati aidakulya agye. we bamugabula e bibala, yadema okulya. Va sibawo olunaku lwona lwona. mperano nga saawa mukaaga, yasaba bwa ba asobola oku jjaku mukayu.

Yali anatera okujja. weyaira, akawowo kekibala kamwitolola ku, era omunwa gwe gwali gwa kisayisayi! yalya ekibala mu kayu! Okusinzira ku mughala bweyawewera yamusibula.

Enaku ntono edabita wo, omusaadha omulungi omuto, omukombe omulangira yatuka. Omughala yamulingirira mu kumwegomba.Yamutwala ghambali, era yamusaba obutalya kibala.Ya mugabula akabala katono okusingaku bwaghaire nga abandhi. Aye mukujja. Mughala yatimbuka mubusungu yalira amaziiga olw'okumulekawo.

Olunaku olwairaku, omulimi yaida gho. yali yeyagisa lujjo nga mugayavu, aye yali muto nga ate ayendebwa abantu nga amanhikwa mu bantu abandhi olw'okuba ayogera bulungi. yanda n'obumalirivu okughangula. omughala ya mugabula ebibala bingi inho yamusaba alye agolole.

Bweyagabulibwa, yaloba okulya. Omughala yalindhirira mubulumi.Olunaku lw'emisana lwabita,paka era esaawa ibiri.Oga ku saawa ina, omulimi yasaba ku maadhi. Omughala yasaba ati ya ndhibaire alya ekibala, aye era yali alikusaba nga esaawa bwa dhatuka omusanvu.Omulimi ono yali aidhi ku kigezo ekyali kigezebwa abazaire!

Abazaire be bamuwayo yo" omugayavu oyo."Omughala yasaba okuba nga agaburibwa olwa okulemererwa ku, aye abazaire bali tibasobola kukola gho kintu kyonakyona. Nga omulimi yatwala amaka ge, ya yemba olwemba olwali olulungi nga akuba nhi mungalo.Abantu bangi bayuyika kulugudo okwerolera ku bagonzi ababiri.

Mubantu bonabona yali mulangira mukombe.Bayeta omulimi kumbali, era bamuwa empiiya n'ente bw'aba asobola okuleka omughala.Okutolaku akaseera akokuloba tikaliwo, yatola empiiya n'ente, era yatambula yavawo.

Abakozi bayambaza omughala mu ngoye enhungi era bamutwala mukifo,baka yamulangira.Nga tibalwire gho, bayeta abazaire era n'omukolo gwategekebwa okugaita ababiri mubufumbo.