Kolong ang'orot ayei aberu nakaburon. Ani elosi ng'esi alodiyete anam, abu king'olik ng'apesur naachik ng'auni. Abu king'it kesi, "Ngae anikus eminasi ngikauriak luarei daang?"

Tolim apei a ng'apesur, "Kamina ayong itiokang noi." Tama nache, "kamina ayong apakang noi." Tama na a ng'auni, "Kaminasi ayong ng'ikauriak luarei daang."

Abu akaburon king'it apese na aminasi ng'ikauriak luarei daang king'arak ng'esi eegos a ng'akito anakipoet nakaku keng. Sodi kiwapak apese ng'ina akaburon.

Arumoret ng'akilameta nakaalak, abu apese king'it akaburon, "Nyanu ng'akito kon?" Tatachu akaburon, "Eyakasi diyete ekitoe ngol!"

Na anang'eta diyete ng'ikito, abu apese king'is nabo, "Nyanu ng'akito kon?" Tatachu akaburon atamar apikis kesi neni.

Apotu toloto nabo kiriamunos ka ekile lo eng'isi akaburon, "Ng'ae ekiro a ikoku kon?" Tatachu akaburon, "Enyaritae ng'esi abusek na irworo."

Kigalou apese toewok:   Emam nakanyaritae ayong abusek na irworo: Enyaritae ekiro kang Kaamungei Oitiakoi! Itiokang, ngina amina ayong. Oitiakoi! Apakang ng'olo amina ayong. Oitiakoi! Adere kang na amasia ayong ng'akile!

Na eiraria ekile ibore ni aeo apese, abu toyiu ng'esi nabo kinyaka ng'esi lokauriak keng. Todaun ekoi kaneni!